Eskolaratze sasoian dauden haurren gurasoei banatuko zaien liburuxkan, Euskal Autonomia Erkidegoko hezkuntza sistemari buruzko informazioa eta hainbat aholku eta gomendio jasotzen dira. "Euskarazko irakaskuntzak etorkizunari begira dituen abantailak ere aipatu dira bertan, hala nola bi edo hizkuntza gehiagotan hitz egiteko aukera, lan aukera zabalagoa edota kultura bat baino gehiago ezagutzeko aukera", azaldu du foru iturriek. Gainera, bi hizkuntza edo gehiagotan aldi berean hitz egiteak dituen abantailen berri ere ematen da, bi hizkuntza erraztasunez ikasten dituzten ikasleek emaitza hobeak izaten baitituzte ikasle elebakarrek baino, eta halaxe erakusten dute hainbat herrialdetan egindako ikerketa pedagogikoek.
15.500 puzzle
Esan bezala, hainbat liburuxka banatuko dira, eta euretan hezkuntza sistema osatzen duten ereduei buruzko informazio zabala emango da. Horrekin batera, udal bakoitzeko arduradunak sinatutako gutuna eta eskolan hastear dauden umeentzako oparia ere banatuko dira; aurten "1+1=bi" goiburua daraman puzzlea jasoko dute umeek euren etxeetan.
2007-08 ikasturteko datuak oinarri hartuta, Bizkaian, 44.133 ume matrikulatu dira haur hezkuntzan. Gehienak, 29.023 haur, D ereduan matrikulatu dira; 11.504, B ereduan; 3.180, A ereduan; eta 426, X ereduan. Lehen Hezkuntzan 55.014 ikasle matrikulatu dira: 30.583, D ereduan; 16.835, B ereduan; 6.770, A ereduan; eta 826, X ereduan. Datu horiek aintzat hartuta, 2007-08 ikasturtean, ikasleen %7,20 baino ez da matrikulatu A ereduan, %26,06 B ereduan eta %65,76 D ereduan.
B eta D ereduen aldeko kanpaina abiatuko dute Uribe Kostan eta Erandion
2008ko ots. 13a, 20:11
Bizkaiko 45 udalerrik abian jarriko dute B eta D hezkuntza ereduetan matrikulatzeko sentiberatze-kanpaina, Aldundiko iturriek gaur jakinarazi dutenez. "2 eta 3 urte arteko haurrak eskolaratzeko sasoia laster izango da eta, kanpaina honen bidez, hezkuntza sistema osatzen duten ereduei buruzko informazioa emango zaie gurasoei eta, batez ere, beste herrialde batzuetatik Euskal Herrira bizitzera etorri diren etorkinen familiei", adierazi dutenez Ekimena 15.500 familiari zuzenduta dago, tartean, Erandio, Getxo, Leioa eta Uribe Kostako Zerbitzu Mankomunitatea osatzen duten udalerrietako hainbati. Alkarbide Bizkaiko euskara zerbitzuen bilguneak koordinatu du kanpaina eta, iaz bezala, "1+1=bi" izango da bere goiburua. Argazkian, Leioako Altzaga ikastolako umeak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun