Egunkari digital honetan lan egiten duten beharginek gaur goizean komunikatu diote argitaratzailea den UKBERRI Uribe Kostako Komunikabide Euskaldunak elkartearen zuendaritzari bihar, otsailak 14, LAB sindikatuak eta hainbat eragile soziopolitikoek deitutako grebarekin bat egingo dutela. Beharginen arabera, "azken egunotan inoiz baino argiago gelditu da Euskal Herrian ez dagoela bermerik proiektu politiko guztiak aurrera eraman ahal izateko eta oinarrizko eskubideak, salbuespen egoeretan bezala, guztiz urratuta daudela. Egun, Espainiako Estatuak erabilitako Polizia, espetxe zein 'justizia' jardueren bidez ez dago guztiontzako adierazpen, informazio, biltze, ibiltze edo protesta egiteko eskubiderik. Era berean, ordezkari politikoak hautatzeko zein hautatua izateko eskubideak ere ukatuta daude hainbat euskal alderdiren laguntzaz. Azkenik, euskal gatazka konponbide bidean jarri behar zuen apurtutako prozesu demokratikoa berpiztea eskatu behar diegu eragile guztiei". Horregatik, UKBERRI.NETeko kazetariek ostegun honetan ez dute normaltasunez lan egingo eta soilik emango dute greba orokorrari buruzko informazioa. Gure irakurleek ulertuko dutelakoan gaude. UKBERRI.NET
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun