Bestalde, aipagarria da goizeko jendetza-orduan askoz bidaiari gutxiago izan dela Uribe Kostan zehar. Komunikabide honek baieztatu ahal izan duenez, trenetan bidaiari gehienak jesarrita garraiatu ditu metroak, eta hortaz, orain dela egun gutxi enpresak emandako datuen arabera, bidaiari kopurua ez da 112tik asko igo, hori baita jesarleku kopurua. Metro Bilbaoren arabera, normalean 500dik gora dira metroan joaten diren lagunak ordu horietan.
Kalez jantzitako guardiak
Jakina da Metro Bilbao eta Ertzaintzak sinatu zuten elkarlan hitzarmena dela eta Polizia autonomikoko agenteek nahi dutenean sar daitezkeela geltokietan, kalez jantzita zein uniformearekin. Gaur, berriz, horietaz gain segurtasun neurri bereziak hartu ditu konpainiak eta hainbat geltokitan eta bagoietan kalez jantzitako hainbat guardia jarri ditu. Haien artean badira Protecsa zein Prosetecnisa enpresekin famatuak egin zirenak Leioa eta Erandioko campusean, langile eta ikasleen aurka behin eta berriro oldartzeagatik.
Pneumatikoz egindako suzko barrikada jarri dute hainbat ezezagunek gaur goizean Metro Bilbaoko trenbidean, Areeta eta Gobela geltokien artean. Horra bertaratu diren ertzain eta udaltzainek UKBERRI.NETi adierazi diotenez, suaren berri 7:30ak igarota izan dute. Metroko langileek beraiek amatatu dute sutea eta 7:50ak aldera trenek ibilbidea egin ahal izan dute. Bitartean, 100 bat pertsona izan dira bi geltokien artean gelditutako trenean. Gainera, Metro Bilbaok zerbitzua berrezarri arren oraindik orain atzerapenak daudela baieztatu dute hainbat bezerok. Era berean, metro zerbitzua Ezkerraldean moztuta dago momentuz eta Barakaldoraino baino ezin da bidaiatu. Goizeko sabotajea "Salbuespen egoerari stop" esateko eta EHAK eta Eusko Abertzale Ekintza alderdien jardueraren etetea salatzeko, LAB sindikatuak eta hainbat eragile soziopolitikoek deitutako gaurko greba egunarekin etorri da. Bestalde, beste hainbat sabotaje gertatzen ari direla zabaldu dute hedabideek, Eitb24 agerkari digitala tartean. Argazkian, segurtasun enpresakoak Gobela eta Areeta artean gelditutako metroari begira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun