Getxoko Txorimalo eta Itzubaltzeta / Romoko Itzubaltzeta gaztetxeak salatu dute Ertzaintzak eta Bilboko Udaltzaingoak gaur goizean Bilboko Zazpi Kaleetako 7 Katu gaztetxea ixteko egindako operazioa. Era berean, Getxo udalerriko gazte asanbladek nabarmendu dute ertzainek gaztetxearen inguruko kaleetan erabilitako indarra: "gazte bat larrialdietara eraman behar izan dute ertzainek sortutako zauriak direla eta". Gaztesareak zabaldu duenez, berriz, bi dira, gutxienez, zaurituak: "kargak ere izan dira, eta gutxienez bi gazte zauritu dituzte. Hauetako batek ospitalera joan behar izan du buruan eragindako zauriaren ondorioz". Txorimalo eta Itzubaltzeta gaztetxeak deitu dute 7 Katuko kideek arratsaldean deitutako kontzentraziora joateko. Protesta 19.30ean izango da, Bilboko Zazpi Kaleetako Santiago plazan, katedralaren aurrean. Argazkian, desalojoaren une bat / Euskal Herria Indymedia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun