"Egunkaria"-ren aurkako erasoak eduki propioa izan zuen, euskararen aldeko eta kulturgintzaren topagune sozialerako ereduaren aurka zuzenean jo zuelako. Une honetan, tortura basatien arteko itxierak irekitako erasoa finkatzera dator epaiketa, fiskalak kasu batean akusazioa erretiratu eta bestean Gipuzkoako epaitegiek erabaki dezatela eskatuta ere, Espainiako Auzitegi Nazionalaren aurrera eramango baitituzte "Egunkaria" auziko akusatuak.
Honi buruzko albiste gehiago:
Xabier Mendiguren Bereziartu: "elkar hartzea da bidea" (berria.info)
Ttur-ttur Euskaltzaleon Bilgunea: "munduan libre bizi ahal izateko, 'Egunkaria'" (berria.info)
Hainbat ekitaldirekin oroituko dute bihar "Egunkaria"-ren itxieraren urteurrena (berria.info)
Bost urte, bi auzi, hamabi auzipetu (berria.info, 2008 Ots 17)
Auzitegi Nazionalaren atzaparretan (berria.info, 2008 Ots 17)
Bihar, asteazkena, hilak 20, "Euskaldunon Egunkaria" oroitzeko, bere itxiera salatzeko eta horren gainean eraikitako bi auzitan akusatuta dauden Xabier Oleaga Erandioko semea eta beste lagunei elkartasuna adierazteko elkarretaratzea egingo dute Bizarra Lepoan euskara elkarteak deituta Algortako Telletxe plazan 19.30ean, "Egunkaria libre!" lelopean. Sarean ere, hainbat webgunetan Egunkariaren Aldeko Elkartearekin bat egin eta egun osoz pantaila-irudi berezia kaleratuko dute eta egunkarialibre etiketa zabaltzeari ere ekingo diote hainbat blogarik. Izan ere, bihar bost urte beteko dira euskal kulturaren bilgune nagusia zen eta den "Euskaldunon Egunkaria" eta "Bizkaia" gehigarria itxi zituztenetik. "Bizkaia" Bizkaiko tokiko albisteak ia egunero bertako euskaraz, bizkaieraz, irakurtzeko aukera bakarra izan zen iraun zuen bitartean eta Uribe Kostako albisteei orrialde bat eskaintzen zien, Veronica Muñoz kazetariak egindako lanari esker.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun