Oraingoan, berriz, zaurian gatza botatzera dator Egunkariaren arduradunei Espainiako Auzitegi Nazionalean egingo dieten epaiketa. Lagun horiek Guardia Zibilaren atzaparretan inkomunikaturik igaro zituzten egunetan jasandako jipoiek eraginda, bost urte hauetan itxi ezin izan dituzten zauriak alegia. Bada, oraingoan ere Euskal Herriak erantzun behar du. Orduan abiatutako erasoaren jarraipenak lagun horietan gorpuztu arren, Egunkarian lau lerro edo hamaika idatzi zituztenak, horren irakurleak eta euskaldun guztiak epaitzen ari baikaituzte; baita Egunkariari begiratu bat eman nahi ez, eta horretarako aukera kendu zietenak ere.
Gure aldetik, euskaraz albisteak zabaltzen jarraitzea izango da gure erantzunik irmoena.
Euskarazko komunikabideak aurrera! Egunkaria libre!
UKBERRI.NET
Izan ginelako gara...
2008ko ots. 20a, 10:14
Dagoeneko bost urte igaro dira atzaparkada batez "Euskaldunon Egunkaria" eskuetatik kendu zigutenetik. Bost urte euskara hutsez idatzitako kazeta horretako langile eta arduradunei ez ezik, Euskal Herriari eta euskaldunoi ere beste zaplasteko bat eman nahi izan zigutenetik. Bost urte uribekostarroi hitza ematen zigun "Bizkaia" gehigarria bahitu zigutenetik. Bada, goiz ilun hartan sentitutako samin eta ezinegona, euskararen aldeko proiektu hura aurrera eraman zuten erantzule haiek ziegan jasandako jipoei batu zitzaizkion. Alabaina, erasoen aurrean euskaldunok beste masaila jartzeko jaioak ez garela argiro adierazi genuen berriro: kaleak hartu eta ozenki salatu genuen bedegabekeria hori. Hilabete gutxiren bueltan, gainera, kalean zen euskara hutsezko egunkari berria. Eta hori gutxi balitz, elkartasunak eta herritarren bultzadak lagunduta euskarazko komunikabideak antolatzen, zabaltzen eta sendotzen jarraitu genuen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun