Euskaldunok beti jakin dugu historiak jarraitzen duela. Eta hori da gure arazo handiena, ezin dugula istorio hau amaitu. Oholtza bete lagun Martin Ugalden. Zortzi etxe huts gehiago Gasteizen. Eta Jaurlaritzak, Elizaren moduan, iraganeko okerkeriak zuzendu guran, zirkinik ere ez du egiten egungoen aurrean. Epaile espainiarren batek eskatuta baino ez dira mugitzen. Eta halakoetan, justuki, hobe leudeke geldi. Atutxari tokatzen zaionean kritikatzen dutenaren morroi eta parte dira. Hara negozioaren prezio politikoa.
Eta hori ustezko Batasunaren ETArekiko morrontza baino ulergaitzagoa da. Teorikoki helburu politiko ezberdinak dituztelako.
Etorkizuneko biktimek kezkatzen naute ni lehengoek baino gehiago. Produktiboagoa delako oraindik gertatu ez dena ekiditen saiatzea gertatutakoez demagogia elektoralista egitea baino. Fidelek etorkizuneko gosearen biktimak ekidin zituen moduan.
Fredi Payak gaur "Berria"n argitaratutako artikulua
Aste bereko Kosovoren independentzia eta Komandantearen agurrak historiaren amaiera harrokeria baino ez zela gomutarazi digute. Espainia beldurtuta dago eta uko egiten dio begien aurrean duen elefante kosovoarra ikusten duela onartzeari. Ez dira egun onak Atxagaren "Lekuak" liburua albanierara itzultzeko. Ez behintzat euskal independentisten helburuak ezinezkoak direla dioen pasartea marketin arrazoiengatik zentsuratu barik. Badoa euskaldunik torturatzaile espainiarren eskutan sekula utzi ez duen agintari moderno bakarra. "Kubako irlan pobreentzat biziraupenik ez bada, bota dezagun demokrazia zerri askara". Eskerrik anitz, compañero, Montecristo bat zor dizugu. Argazkia: Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun