Gaur arratsaldeko 18:00etatik aurrera Koska irratiak Madrilen zuzenean egingo duten 18/98 auziari buruzko irratsaio berezia emitituko du. Uribe Kostako irrati libreak 108.0 FMko bere diala eskainiko dio horrela Madrilgo Rompamos El Silencio mediaguneari. RES mediaguneak 18/98 makrosumarioaren inguruan Madrilen izango den mobilizazioari jarraipena emateaz gain, Estatu espainiar osoan burutuko dituen etorkinen manifestazioak izango ditu gai Estatu kolpearen urteurren honetan. Irratsaioaren lehenengo orduan migrazioari buruzko hainbat erreportaje eta zuzeneko konexioak egingo dituzte. 20:00etatik aurrera, ordea, 18/98 auziak hartuko du protagonismo gehien, egunak eman duenaren laburpena eta RESen estudioan egingo diren mahai-ingurua eta protagonisten elkarrizketak direla medio. Saioa 21:30ean bukatuko da. Argazkian, pasa den abenduaren 13an 18/98 auziaren aurka Algortan egindako lanuztearen irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun