Era berean, ELAk salatu du egoera horretan "bere izena enpresaren mesedetan uzteko prest diren sindikatuak" badaudela. Izan ere, sindikatuaren arabera, batzuek delegatu bat lortzearren "edozer egiteko prest agertzen dira, delegatu hori zelan lortzen den gehiegi arduratu barik eta grebaren aurkako bide bihurtzen dira". Hala ere, ez dute izenik eman. Bere ustez, lortutako emaitzak "ELAk mantentzen duen jarrera indartzen du enpresako hitzarmen duin baten alde", Leioako etxez-etxeko laguntzako langileen baldintzak "beraiek duinduko dituen hitzarmen baten aldeko borrokan indartzen ditu".
Udalaren pasibotasuna
"Langileek badakite faktore asko aurka dauzkatela, hala nola enpresak mantentzen duen jarrera itxia zein Leioako Udalak daukana, aurkakoa ez bada ere, guztiz pasiboa dena. Baina hitzarmen justu baten alde borrokan jarraituko dute, behin-behinekotasuna bukatu arte eta soldata nahikoak izan arte", azaldu dute. Bukatzeko, ELAk eskerrak eman dizkie bere laguntza eman dieten langileei eta, horren bitartez, argi utzi nahi izan du "enpresak hauteskundeen aurretik egindako mehatxuak bete nahi izanez gero", ELAk "bere indar guztiak errepresio bide hauek geldiarazteko erabiliko dituela".
ELAk irabazi ditu greban dagoen Leioako Lagunduz enpresako hauteskunde sindikalak
ELAk irabazi egin ditu Leioako Lagunduz enpresan herenegun izandako hauteskunde sindikalak. Enpresa etxez-etxeko laguntzan ari da eta langileak greba mugagabean daude urtarrilaren 23tik, lan erakundeko iturriek prentsa ohar bidez adierazi dutenez. ELAren arabera, langileek enpresak bultzatutako "era guztietako presioei" aurre egin behar izan diete, baina, azkenik, "ausart eta tinko eutsi diete eta bere konfidantza eman diote berriz ere aurkeztu dugun hautagaiari". "Enpresak beste hautagaitzaren alde egin du kanpaina, zuzenean iradoki du ELAk hauteskundeak irabazteak ondorioak izan ditzakeela, enpresaren bitarteko guztiak ELAren hautagaitzaren aurka jarri ditu eta, hala ere, langileek tinko eutsi diote eta mehatxuek sortutako beldurra gainditu dute", adierazi dute. Argazkian, etxe-laguntza ere beregain hartzen zuen ELAk urtarrilaren 11an abiatu zuen gizarte ereduari buruzko kanpainak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun