"Gogoratu behar da 2007ko urriaren 16ko goizaldean sei lagun atxilotu zituztela Algortan eta Berangon, tartean Aner Mimenza bera ere. Arratsaldean mobilizatzeko deialdia zabaldu zen eta manifestazioa abiatzekotan zegoenean Ertzaintzak aurrean jarri eta debekatuta zegoela adierazi zuen. Gauzak horrela, erabaki zen Etxerat une horretan Telletxeko izkinan egiten ari zen enkarteladara joatea eta horrela esan zitzaion Ertzain buruari. Ertzainak telefonoz kontsultatu ondoren horretarako arazorik ez zegoela esan zuen, enkartelada horrek baimena zuelako, baina errepidea ez mozteko baldintzarekin. Hartara, semaforoa berde zegoenean errepidea gurutzatu eta errepidea libre gelditu zen enkarteladak iraun zuen denbora guztian. Ez zen inolako istilurik izan eta 20:30ean amaitutzat eman zitzaion enkarteladari", azaldu dute Etengaben. UKBERRI.NETek berak eman zuen mobilizazio horretako gora beheren berri. Ertzaintzak identifikatutako albistean aipatutako bi lagunak Mimenzaren gurasoak ziren.
AAMk aipatu bezala, urriaren 18an ere, Zigor Goikoetxea atxilotu zutenean, bere etxe aurrean elkartasuna adierazteko zegoen pertsona bat identifikatu eta, arakatu zutenean, 6 zentimetroko aihotzadun cutter bat izateagatik, Espainiako Poliziak beste 300 euroko isuna jarri dio.
Arau berriak Soton
Askatasunak jakinarazi duenez, Soto del Real (Madril) espetxean arau berriak ezarri dizkiete bisitetarako euskal preso politikoei: ezin izango dute ez boligraforik, ez paperik atera lokutorioetara. Funtzionario bat ondoan izango dute bisita osoan zehar. Lokutorioa giltzaz itxiko diete. Paketea ez diete emango momentuan (orain arte egiten zuten bezala), aurretik bi egunez izango dute miatzeko. Bertan daude azaroaren 22an Baltasar Garzon epailearen aurrean aurkeztu ondoren kartzelaratu zituzten Juan Bautista Galdiz "Batis" eta Gorka Oribe; Urtzi Murueta leioaztarra, Manex Zubiaga algortarra eta Lexuri eta Irantzu Gallastegi ahizpa berangoztarrak. Azken hori, amen moduluan dago, bere alabarekin. Askatasunak Basauriko espetxeko egoera ere aipatu du: "EGA azterketa espetxean ezingo dutela egin esan dietela euskal preso politikoei, soilik hizkuntza eskolako azterketak egin ditzaketela. Ziegan bikoiztuak daude eta batean hirukoiztuak. Astero miatzen dituzte", adierazi dutenez.
Mercedes Gallizo Espetxe Zuzendaritzako arduraduna Soto del Real (Madril) espetxera egindako bisitan sakabanaketaren aurkako protesta bat egiteagatik, Aner Mimenza -argazkian- preso politiko getxoztarraren, Asier Tapia donostiarraren eta Borxa Urberuaga gernikarraren aurkako diligentziak zabaldu ditu Espainiako Auzitegi Nazionalak, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. "Egun horietan sakabanaketak senide bat hil izanaren erantzule egin zuten eta euskal presoen Euskal Herriratzea aldarrikatu. Ondorioz hiru preso politiko hauek are gehiago sakabanatuak izan ziren, Urberuaga Puerto II espetxean, Tapia Algecirasen eta Mimenza Caceresen", salatu du errepresioaren kontrako erakundeak. Bestalde, egun hauetan Ertzaintzak jarritako 300 euroko isun bana iritsi zaizkie aipatu preso getxoztarraren gurasoei, Algortan urriaren 17an -euren seme Aner atxilotu zuten egun berean- egindako mobilizazio batengatik, "nahiz eta azken batean egun horretan egindako kontzentrazioak baimena izan", AAMk zabaldu duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun