Bapiruke egitasmoaren barruan, ume euskaldunentzako eski ikastaroa antolatu du martxoaren 15erako Bizarra Lepoan euskara elkarteak. Gauzak horrela, Alto Campoo eski estazioan (Kantabria, Espainia) elurretan gora eta behera ibiltzeko aukera izango dute 7 eta 14 urte bitarteko neska-mutilek. Horretara joateko, 50 euro ordaindu beharko dute bazkide direnek, eta 65 euro ez-bazkideek. Informazio gehiago eskuratzeko 944 914 357 telefono zenbakira deitzea besterik ez dago. Horrenbestez, martxoaren 5era arte egongo da izena emateko aukera. Bestalde, martxoaren 25etik 28ra egonaldia antolatuko dituzte Algortan. Ordutegia 9:00etatik 13:30ak arte izango da eta 27an, irteera egunean, 9:00etatik 17:00ak arte. Izena emateko epea martxoaren 3tik 12ra egongo da zabalik; astelehen, asteazken eta ostiraletan goizez, eta astearte eta ostegunetan goiz eta arratsaldez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun