"Aipatu ekimena aho batez onartua izan zen Eusko Legebiltzarrean", Getxoko PPko bozeramaileak gogoratu zuenen. "Hala ere, gaia Udalbatzari aurkeztu eta, harrigarria bada ere, atzera bota zuen EAJk", gaineratu du Arruek. Bitartean, Uribe Kosta eskualdean eta Erandion ere aurrera darrai hauteskunde kanpainak eta, seguruenik, gauerdian PSE-EEk Derion duen egoitzan eztanda egin duen lehergailuak hartuko ditu mitin gehienak. Honako hauek dira hurrengo egunetarako UKBERRI.NETek konfirmatu ahal izan dituen ekitaldi politikoak:
Ezker abertzalea
http://www.abstentzioa.com
Otsailak 29, ostirala.
Areeta: 18:00etan, ekitaldi publikoa Xake plazan.
Otsailak 29, ostirala.
Erandio: 19:30ean, ekitaldi politikoa metro geltoki aurrean.
Martxoak 1, larunbata.
Urduliz: 14:30ean, bazkaria herriko tabernan.
Martxoak 7, ostirala.
Itzubaltzeta / Romo: 19:00etan, manifestazioa Kolas plazatik, ekitaldi politikoa eta afaria.
Partido Obrero Socialista Internacionalista (POSI)
http://www.posicuarta.org
Otsailak 29, ostirala
Lamiako: 19:00etan, ekitaldi publikoa herri ikastetxean.
Union, Progreso y Democracia (UPD)
http://www.upyd.es
Martxoak 3, astelehena.
Algorta: 19:30ean, ekitaldi publikoa Telletxen.
Eusko Alkartasuna (EA)
http://www.euskoalkartasuna.org
Martxoak 7, ostirala.
Algorta: 19:00etan jaia eta ekitaldi politikoa Telletxen.
Joan den larunbatean, Areetako Xake plazan egindako hauteskunde ekitaldian, Margarita Uria EAJko diputatu eta senatarigai getxoztarra izan zen herri horretako Paulino Mendibil eta Andres Larrazabal kaleen artean jarritako telefonia antenaren inguruko auzia mahai gainean jarri zuena Alderdi Popularrari aurka egiteko asmoz: "beraiek kalera ateratzea erabaki duten bitartean, dagoeneko gu Espainiako Industria Ministerioarekin tratuan ari gara", adierazi zuen jelkideak. Hurrengo egunean, dozenaka lagun elkartu ziren eguerdian Eskoletako plazan, telefonia enpresari isuna jarri eta antena zigilatzea "nahikoa ez" dela aldarrikatu eta hori "desegin" dezatela eskatzeko, Getxoko PPren babesa zutela. Atzoko propaganda banaketan, berriz, aurreko udal hauteskundeetan bolo-bolo ibili zen gaietako bat gogoratu zuen Marisa Arrue tokiko popularren buruak. "Euskadiren interesak -eta horrenbestez eskualde eta Getxokoak- Madrilen defendatzeko EAJ aukera bakarra" dela jelkideek esandakoari erantzunez, "Imanol Landa alkateak aurka agertu arren", Uribe Kosta eskualde osoko herritarroi zerbitzua emango liokeen ospitalea Getxo udalerrian kokatzeko "borrokan" jarraituko dutela ohartarazi zuen Arruek. Argazkian, joan den igandean, protesta egin zuen Areetako Eskoletako plazan dagoeneko 400 kide baino gehiago dituen Antena Ez elkarteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun