Hirugarren urtez ospatu du EHUk ekitaldi hau. Harekin doktoreak prestatzearen eta titulu hau eskuratzearen garrantzia erakutsi nahi dio jendarteari. EHUk emandako datuen arabera, Estatu espainiarrak doktoreen oso ehuneko txikia dauka biztanleko (%0,5), "izugarrizko lanabesa izan arren ez soilik euren etorkizuna karrera akademikoan mamituko duten pertsonentzat, baina baita gizarteko eta enpresako hainbat sektoretan lan egingo duten profesionalentzat ere", unibertsitateak prentsa ohar baten bidez defendatu duenez.
Ekitaldiaren buru Juan Ignacio Perez errektorea izan da, eta hitzaldia Pedro Luis Ariasek eskaini du. Arias errektoreorde ohia, errektoregaia izandakoa eta Ingeniaritza Kimikako katedraduna da eta hezkuntza, sorkuntza eta berrikuntzari buruzko erdarazko hitzaldia oparitu die 700 bat gonbidatuei.
Graduondoa bukatu duten ikasleak omendu ditu gaur EHUk
2008ko ots. 29a, 20:33
Araba Bizkaia eta Gipuzkoan jarduten duen Euskal Herriko Unibertsitateak omenaldia egin die gaur goizean 2007an graduondoren bat amaitu duten ikasleei. Horrela, Leioa eta Erandioko campuseko areto nagusian, doktoretza amaitu ebrri dutenak izan dira ekitaldiaren protagonista, bertan doktore izendatu baitituzte, baina bertan Ikasketa Aurreratuen Diplomak eta doktoreak prestatzeko lehenengo master ofizialen diplomak ere banatu dira. Guztira 233 tesi irakurri ziren EHUn iaz, hau da, ia eskola egun bakoitzeko tesi bat irakurri zen. Ekitaldian 80 doktore izendatu dira, eta 2005eko doktoregoko 10 sari berezi iragarri dira. Sari horiek ematen zaizkie nazioartean goraipamenik handiena izan duten tesiei, bi urtean egindako bidea aztertu ondoren. Halaber, ekitaldian doktoregorako sarrera ematen duten master ofizialen lehenengo promozioei diplomak eman zaizkie eta ikertzeko gaitasuna gainditu dutenei Ikasketa Aurreratuen diplomak banatu zaizkie. Argazkian, Juan Ignacio Perez errektorea doktore berri bat zoriontzen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun