Eskuin muturreko taldeek deitutako ekitaldiak:
Gaur, martxoak 1
- 13:00etan, Donostiako Pio XII plazan, Frente Españolen (Falange Española, La Falange, Democracia Nacional, Cantalapiedra...) ekitaldia.
- 19:00etan, Bilboko NH Gran Bilbao hotelean (Kale Nagusia, 87), Alternativa Españolaren (Blas Piñar, Fuerna Nueva...) ekitaldia.
Bihar, martxoak 2
- 12:00etan, Iruñeko Hiru Errege hotelean, Alternativa Españolaren (Blas Piñar, Fuerna Nueva...) ekitaldia.
- 13:00etan, Gernikako Foru plazan, Falange Española de las JONSen ekitaldia.
Euskal Mugimendu Antifaxistak deitutako ekitaldiak:
- 18:00etan, Bilboko NH Gran Bilbao hotelaren aurrean kontzentrazioa.
Gazte Komunisten Batasunaren oharra:
Martxoaren 1ean eta 2an alerta antifaxista!
Zenbait organizazio faxistek hainbat ekitaldi prestatu dituzte datorren astebururako. Euskal Herriko gazteri langileak talde hauen aurrean mesprezua erakutsi behar du, talde hauen existentziaren arrazoi bakarra kapitalismoaren beso erreakzionarioa eta terrorista izatea da.
Organizazio hauek kapitalak eta inperialismoak langile klasearen eta herrien aurka erabiltzen zakurrak besterik ez dira. Kasu honetan Euskal Herrian agertzen dira inperialismo espainiarraren euskal-kontrako eta txobinismo kerrenaren bandera goratzeko.
Ez dugu ekintza hau “kanpoko” organizazioek bermatutakoak bezala ikusi behar, faxistak gure artean jada daudela konturatu behar gara, gure auzoetan, gure lan eta ikastokietan, momentu egokiena itxaroten argira ateratzeko.
Gazte Komunisten Batasunetik faxismoari gure indar guztiekin aurre agitera deitzen dugu eta antifaxismoaren batasuna ereitera jarraitzera, garaipena lortzeko bide bakar bezala.
Ezin dugu baimendu kriminal hauek gure kaleetatik nahi duten erara ibiltzea eta gainera instituzio determinatu batzuek eta enpresa batzuk beraiekin kolaboratzea. Faxismoaren azken krimenak gogoan, Euskal Herriko gazteri langile eta ikaslea oihu egiten du, beti bezala:
Ez dira pasako! Faxismoa akatu!
Gazte Komunisten Batasuna
Gazte Komunisten Batasunak eta Sare Antifaxista osatzen duten kolektiboek gaur eta biharko Espainiako eskuin muturreko alderdiek Bizkaian eta Nafarroan egingo dituzten ekitaldiak salatu eta "alerta antifaxista" jo dute. Faxisten aurrean "mesprezua" erakustera deitu diete Euskal Herriko gazte zein langileei Talde antifaxistek. Era berean, "faxismoari gure indar guztiekin aurre egitera" eta "antifaxismoaren batasuna ereitera" deitu dute, "garaipena lortzeko bide bakar bezala". GKBk plazaratutako prentsa oharrean, "faxismoaren azken krimenak" gogoratzea eskatu eta "kriminal hauek gure kaleetatik nahi duten erara ibiltzea" ez dutela baimenduko ohartarazi dute. Bestalde, "faxistak gure artean jada daudela" eta faxistekin hainbat erakundek eta enpresak kolaboratzen dutela gogoan hartzea eskatu du. Donostiako ekimen antifaxistaren aurka oldartu da Ertzaintza, berria.info-k jakinarazi duenez. Albiste gehiago Sare Antifaxistan. Argazkian, ertzainak Bilboko falangista bat agurtzen pasa den urrian, Donostiako Garbera merkataritzagunean egindako ekitalditxoan / Sare Antifaxista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun