Egungo "salbuespen egoera" Loiolako elkarrizketatik ondoren kokatu zuten gazteek, eta argi utzi nahi izan zuten "hau ez dela Espainia eta ezker abertzalearen arteko gatazka, Espainia eta Euskal Herriaren artekoa baizik". Ildo horretatik, Espainia babesten duten PSOE eta PP zein "Madrildik emandako mozkinen truke herria saldu" eta "beste 30 urteko iruzur erregionalista prestatzen diharduten" EAJ eta Nafarroa Bai alde batean kokatu zuten, eta bestean Euskal Herriko independentzia eta gazte zein langileen independentzia nahi dituenak.
Era berean, aipatu alderdiei hainbat gauza leporatu zizkieten gazte independentistek: alokairua 800 eurotan egotea, etxebizitza metro koadroak 4.000 eurotik gora balio izatea; AHT "negozio biribila eta Amalurrarentzat kalte izugarria", leku aldaketa gehienak euskalde barrukoak direla kontuan hartzen ez duena "eta berau egiteko zuen enpresarioak, gainera, kontratatu duzuena"; Kapitalismoak behar duen pribatizazioa arlo guztietara hedatzea, hezkuntzara ere bai, Bologna prozesuaren bitartez "enpresen beharretarako ikasleak etorkizuneko langile akritiko, menpeko eta behin behinekoak izan daitezen", gainera euskara bezalako hizkuntza gutxiagotuak eta Euskal Herria bezalako estaturik gabeko nazioak "lekurik gabe uzteko".
Jendarte eredu berri bat abian jartzeko
Horren aurrean, arlo guztietan erantzun bateratua ematera deitu zuten, hezkuntzan, garapenkeriaren aurrean, etxebizitzan, gazteen bizibaldintzak defendatzeko borroketan... eta lehenengo ekimenak bezala, bihar zortzi Espainiako hauteskundeetan "independentziaren alde" abstentzio aktiboa erabiltzera eta martxoaren 21ean Lezora joatera deitu zuten. Gainera, Lezon "etorkizuneko gizarte eredua" lantzeko, zabaltzeko, aztertzeko eta abian jartzeko gazte topagunea egingo dutela zehaztu zuten.
Itzubaltzetan Arkaitz Estiballesek, Etxahun Lekuek eta Itzubaltzetako bertso eskolak abestu zuten bertso afarian. Getxoko Txorimalo gaztetxean, berriz, Arrate Illaro, Jone Uria eta Itxaso Paya izan ziren bertsoak lantzeko arduradunak.
Gazte independentisten oharra:
Gazte Topagunearen aurkezpena izan da Algortan
Gazte Topagunea '08ren aurkezpena burutu dute Algortako gazteek. 70 gazte inguru bildu dira Algortako Txorimalo Gaztetxean eta bertan bertso afaria ere izan da.
Arrate Illaro, Jone Uria eta Itxaso Paya bertsolari gazteak izan dira aurkezpena egitearen arduradun, hauekin batera, komunikatu bat irakurri eta bideo emanaldia eskaini da. Horrez gain,bestelako jokuak ere izan dira afarian zehar non bertsolarien partehartzeak giroa berotu duen, umorea eta aldarrikapena uztartu diren festan.
Aurretik Erandion, Berangon eta Sopelan egin bezala, martxoaren 21etik 24ra Lezon ospatuko den Gazte Topagunea aurkeztu zuten atzo Itzubaltzeta / Romo eta Getxoko gaztetxeetan. Hurrenez hurren, 60 eta 70 gazteen aurrean, orain arteko gazte topagune guztien historia eta Euskal Herriko gazteek urte horietan emandako aurrerapausoak eta jasandako erasoak gogoratu zituzten gazte independentistek. Era berean, aurtengo topagunearen bideoa, kanta, guneak, egitaraua eta aurrekoen argazkiak ikusi ahal izan ziren atzo. Baina, era berean, orain dela hilabeteak Lapurdin abiatutako sarekada multzoak ere ikusteko parada izan zen: Lapurdi, Donostia, Burlata, Gasteiz, Lea eta Artibai, Uribe Kosta... "Segiko kideak izateagatik" gazte andana atxilotu eta kartzelaratu dituztela salatu eta "jendaurrean kale erasoen aurkako operazioak direla esaten badute ere", atzean Segi gazte erakundea "erakunde terrorista gisa" jotzea baino ez dagoela gazteen antolaketa politikoa "garesti ordainarazteko". Horregatik, "borrokarako garaia heldu dela" baieztatu eta hainbat arlotan independentziari ateak zabaltzera deitu zuten gazte independentistek, tartean Lezora hurbilduz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun