Programa ezusterik gabe garatzekotan, eta atsedenaldi baten ostean, 12:00etan jardunaldiaren bigarren zatiari ekingo diote: “Antzerki egitaraua: egitarau parekidea izateko zailtasunak” izenekoa. 2007-2008ko egitarauari eta jaialdiei buruzko balorazioa egingo da “Simulacro Teatro” kideak diren Aintza Uriarte eta Arantza Iurreren eskutik eta, ondoren, Virginia Imazek, Aitzpea Goenagak eta Ana Pimenta zuzendariak eta dramagileak, Carlota Ojea produktorea eta Pedro Madoz, Barakaldoko Kultur Etxeen koordinatzaileak jardungo dute horretaz Koldo Iturbe Kultur zinegotziak moderatuko duen mahai-inguruan.
Azkenik, ikusgarritasuna lortzeko jarduera-lerroak proposatuko dira eta eztabaida eta jarduera-planen bilketa programaziorako egingo da.
Abian da Algortan Emakumea Arte Eszenikoetan Agertzeko Euskal Herriko II. Topaketa
Getxoko Antzerki Eskolak, Getxoko Udalak eta Emakundek bultzatuta, kultur arloan parekotasuna bilatzen duen Emakumea Arte Eszenikoetan Agertzeko Euskal Herriko Topaketaren bigarren edizioa inauguratu du Imanol Landa alkateak goizeko 9:30ean Algortako Villamonte kultur etxean. Ondoren, 10:00ak aldera, Margarita Borjak, Iberoamerikako Arte Eszenikoetako Emakumeen Topaketako zuzendariak eta koordinatzailea bera izan da hizlaria “Berdintasunaren Legea Kultur eta Arte sorkuntza” gaia hartuta. Hitzaldian, Estatuko Berdintasun Legearen 26garren artikuluari buruz aritu da. Ondoren, Josune Ariztondo Kultura diputatuak “Mugagabe” ekimenari buruz hitz egin du, Estatu espainiarrean sortu den lehenengo zirkuito parekidea, Bizkaiko Aldundiak babestuta. Ondoren, Getxoko Udalaren Berdintasun teknikaria den Idoia Eizmendik eztabaida moderatuko du. Argazkian, Leire Olaran aktorea "Cuatro razones de Jenny Monzon para ser Jenny Monzon" Katastrofen! emakume konpainiaren antzezlanean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun