Aurreko urteotan energiaren, mugikortasunaren eta hondakinen gaineko gaiak landu ondoren, 2007-2008ko ikasturtean klima aldaketa aztertzen ari dira. Horrela, klima aldaketa eragiten duten berotegi efektuko gasen isurketen arrazoiei dagokionez udalerriaren egoera aztertzeko helburuarekin udal izaerako diagnostikoa egiten hasi ziren otsailean. Horretarako Udalak kontratatutako aholkularitza bateko begirale batzuekin udal eraikin batzuk bisitatzen ari dira ikasleak, esate baterako, udaletxea, Santa Clara egoitza, Fadura eta Gobela kiroldegiak, udal erresidentzia, musika eskola, Villamonteko kultur etxea eta abar.
Ikasleen galderak
Bisita horietan ikasleek Udaleko langileekin eta teknikariekin hitz egiteko aukera izango dute eta berrerabilpenaren, birziklapenaren, errausketaren, garraioaren edo energiaren ohituren buruzko galderak egingo dizkiete, irakasleek aginduta. Besteak beste, etxetik lanera joateko moduaz, lanean eragiten dituzten hondakinez eta abarrez. Informazio hori eta ikasleek ateratako ondorioak datorren apirilaren 30ean izango den eskolen arteko foroan jarriko dituzte komunean eta gauza bera egingo dute Imanol Landa alkatearekin eta beste arduradun politikoekin, datorren maiatzaren 27an Udalbatzaren aretoan izango den Udal Foroan. Hor burututako diagnostikoa aurkeztuko dute eta neurri zuzentzaileak proposatu ere, arduradun politikoek beren erantzunak eman ditzaten.
Eskola Agenda 21 ekimenak ikasleak ingurugiroaren egoera eta arazoak ulertzera laguntzen ditu eta aldi berean gizarte justuagoaren eta jasangarriagoaren alde jokatzeko prestatzen ditu. Eskola Agenda 21ek ingurugiroko gaiak eta beren eraginak aztertzen ditu, horien hobekuntza lantzeaz gain.
Klima aldaketaren berri emango diete bihar Getxoko 10 ikastetxeko neska-mutileei
Klima aldaketari buruzko Sentsibilizazio Jardunaldia izango da bihar, asteartea, Fadurako Kiroldegiko batzar aretoan, Ingurumeneko Udal Sailak antolatuta, egungo ikasturteko Getxoko Eskola Agenda 21 ekimenaren barruan, 10 ikastetxeren partaidetzarekin eta CEIDA-Ingurugelaren laguntzarekin. Lehen eta Bigarren Hezkuntzetako ikasleek klima aldaketari buruzko berriak entzuteko aukera izango dute, bai maila orokorrean bai tokiko mailan eta planeta osoan dagoen arrisku horri aurre egiteko Getxoko Udalak proposatzen dituen neurriak ere, Keltse Eigurenek, Ingurumeneko zinegotziaren eta Getxoko Udaleko teknikari batzuen eskutik. Laugarren urtea da, jarraian, Geroa, Gobela eta San Nikolas Ikastolek, Juan Bautista Zabala, Larrañazubi, Zubilleta eta Azkorri ikastetxeek eta Fadura, Aixerrota eta Julio Caro Baroja Institutuek parte hartzen dutela Eskola Agenda 21 ekimen horretan. Argazkian, Gobela ikastolako ikasle bat zuhaitza landatzean Gobela ibaitik gertu pasa den hilean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun