Kanonaren aurkakoek ekimena burutzeko emandako arrazoiak:
Herritar guztiak kontzentrazio hauetara deitzen ditugu, SGAEk erakusten duenaren kontra, kanon digitalak kulturari min handia egiten baitio. Zergatik diogu kanon digitala kaltegarria dela? Bada, SGAE, sorkuntza kulturalen zabalkunde publikoaren konpentsazioa aitzakiatzat hartuta, sekulako dirutzak kobratzen dituelako, eta nori bereizi gabe, gainera.
Urtarrilaren bataz geroztik, kanona lehen baino bidegabekoagoa delako, tarifak igo egin baitira eta lehen baino euskarri eta gailu gehiagok kanona daukatelako: CDak, DVDak, MP3 gailuak, USB giltzak, argazki kameren txartelak, telefono mugikorrak, MP4ak, PDAk, eta abar.
Ba al zenekien zure kamerarekin egindako argazkiak CD batetan gordetzen dituzun bakoitzean (jende gehienak egiten du hori!) kanona birritan ordaintzen duzula, behin ere ordaindu behar ez zenuenean? Ba al zenekien zure mugikorrerako kanta bat jaisten duzun bakoitzean, kanona birritan
ordaintzen duzula, behin bakarrik ordaindu behar zenuenean (talde hori SGAEkoa dela suposatuz noski)? Ba al zenekien gero eta artista gehiagok beraien lanak Interneten aske zabaltzeko baimenak ematen dituztela baina lan horiek CD edo MP3 batetan gordetzen dituzunean ordaindu behar ez
zenukeen kanona ordaintzen ari zarela? Ba al zenekien gauza guzti hauek kultura sakonki kaltetzen dutela?
Guzti honengatik, hedabideei deialdi hau zabaltzeko eskatzen diegu, baita burutuko diren kontzentrazioen jarraipena egitea ere, eta kanon digitala zergatik kendu behar den azaldu dezaten ere. Eskerrik asko.
Informazio gehiago:
Foroak: http://compartiresbueno.freeforums.org/
Posta zerrendak: https://listas.sindominio.net/pipermail/hacklabs/2008-February/thread.html
Txat-a: #hackmeeting kanala irc.freenode.net zerbitzarian
Espainiako Egileen Elkarte Nagusiak (SGAEk) Bilbon duen egoitzan 40 bat lagun bildu ziren atzo arratsaldean kanon digitalari "ezezko borobila" emateko. Kontzentratuen artean Leioako Metabolik BioHacker laborategiko hainbat kide izan ziren, kanona "bidegabekoa" dela salatzeko. Bilbon bezala, Estatu espainiarrean ere hainbat elkarretaratze izan ziren, Bartzelonan, Madrilen, Sevillan eta Zaragozan, besteak beste. Kontzentrazioan txilibitu hotsak izan ziren nagusi, "zarata eginez, kulturari egiten ari zaion mina" erakusteko asmoz, baina haiekin bat eskuorriak, komikiak, pegatinak eta bestelako informazio tresnak ere banatu zizkieten kazetari eta kaleko ibiltariei. Protestan aritutakoek salatu zuten SGAE "sorkuntza kulturalen zabalkunde publikoaren konpentsazioa aitzakiatzat hartuta, sekulako dirutzak kobratzen dituelako, eta nori bereizi gabe, gainera". Argazkian, atzoko mobilizazioaren irudi bat / Txopi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun