Bizkaian planari jarraitzeko mahai tekniko bat sortzea erabaki dute. Gainera, elurra duten errepideetan kamioiei aurreratzea galaraztea ere aurreikusi dute. Bestalde, Herrizaingo Sailak alerta egoeran ditu pisu handia jasotzen duten zenbait garabi, izotzaren edo elurraren ondorioz kamioiren bat irristatzen baldin bada, bidetik kentzea errazteko.
Plana Euskadiko Trafikoa Kudeatzeko Zentrotik kudeatzen ari dira eta trafiko eta errepideen zerbitzuez arduratzen diren erakundeen koordinazioa eta eraginkortasuna ahalik eta hoberena izatea bilatuko dute. Neguko ekaitzei aurre egiteko programa horretan, Herrizaingo Saileko Trafiko, Herritarren Segurtasunerako eta Larrialdiei Aurregiteko Zuzendaritzek parte hartzen dute, baita Foru Aldundietako errepideetako zerbitzuek eta autobideen emakidadunek ere. Euskalmetek, Euskal Meteorologia Zerbitzuak aholkularitza ematen die.
Gidariak zirkulazioaren eta bideen egoerari buruzko informazioa jaso dezakete etengabe Euskadiko Trafikoa Kudeatzeko Zentroan, 902 112 088 telefono zenbakian. Gainera, Trafiko Zuzendaritzako web orrian (www.euskadi.net/trafikoa) ere informazioa jasotzeko aukera dago.
Elur, txingor eta haize ekaitzak datozelakoan bidezaintza plana abiatu du Herrizaingo Sailak
Eusko Jaurlaritzako Herrizaingo Sailak herritarrei ohartarazi die bihartik, asteartea, aurrera, elur, txingor eta haize ekaitzak izan daitezkeela eta, hori dela eta, Neguko Bidezaintza Plana abiatu du gaur. Gidariei informatuta egoteko, arreta handia izateko eta, ahal bada, elurra dauden bideak ekiditeko eskatu die Herrizaingo Sailak. Gainera, herritarrei mendian eta itsasoan aisialdiko jarduerak saihesteko gomendatu die. Iragarpenen arabera, bihar bertan elur kota 300 eta 400 metro bitartekora jaitsiko da. Asteazkenerako, berriz, elur kota 100 metro beherago egongo da. Gainera, datozen egunotan, elurra egiteaz gain, txingorra eta haize bolada gogorrak ere egon daitezke. Neguko Bidezaintza Planaren Koordinazio Organoa gaur arratsaldean bildu da Euskadiko Trafikoa Kudeatzeko Zentroan, Bilbon, egoera aztertzeko eta ekaitzari aurre egiteko neurri egokienak hartu ahal izateko; neurrion artean, trafikoari eta errepideei zuzendutako baliabideak indartuko dira. Argazkian, elurra Sopelako udaletxeko plazan, 2005eko otsailean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun