Euskarazko epaimahaiak Berlinen girotuta dagoen "Post H. Pop" ipuin irabazlearen testuaren estetika eta izaera "musikala" nabarmendu ditu. Era berean, akzesita lortu duen "Zerbait ez doa ondo" lanean ere, "une iheskorraren pisu emozionalaren irudikapena" nabaritu du. Azkenik, beste akzesit bat irabazi duen "Haur Jolasak" ipuinari dagokionez, "prosa arina bezain koloretsua" daukala eta Mexikon girotutako "ikusizko" ipuina azaltzeko gaitasuna duela adierazi du.
Gaztelaniaz
Gaztelaniako epaimahaiak, berriz, "En un cajón del armario" ipuin irabazleko "idazkeraren naturaltasuna eta plastikotasuna" nabarmendu ditu, "bai eta isilarazi ohi dituzten errealitateko guneen inguruko begirada kritikoa ere". Aurtengo akzesitetako bat lortu duen "Los de siempre" ipuinari dagokionez, epaimahaiak "kontakizunaren giroa" eta "proposamenaren originaltasuna" azpimarratu ditu. Azkenik, beste akzesita irabazi duen "El Gong" laneko "gaiaren bereizgarritasuna eta umore-kutsua" nabarmendu ditu.
Gabriel Aresti Ipuin Lehiaketan, edozein nazionalitateko idazleek parte hartu dezakete, beti ere euren ipuinen gaia librea bada, argitaratu gabeko ipuin originalak badira eta beste edozein lehiaketatan saririk jaso ez badute. Lehiaketaren XXV. edizio honetan, gaztelaniako 347 lan eta euskarako 51 lan aurkeztu dira.
Irati Elorrieta algortarra eta Begoña Torregrosa alacantarra izan dira Gabriel Aresti XXV. Ipuin Lehiaketako irabazleak euskarazko eta gaztelaniazko modalitateetan, "Post H. Pop" eta "En un cajon del armario" ipuinei esker, hurrenez hurren. Urtero, Bilboko Udaleko Kultura eta Euskara Sailak lehiaketarako deia egiten dute, eta 4.100 euroko saria ematen die irabazleei. Horixe izan da Leire Bilbao, Lutxo Egia eta Miren Meabe idazleek osatutako euskarazko epaimahaiaren eta Lucia Etxenike, Sebastiana Rodriguez, Pedro Ugarte, Arantxa Urretabizkaia eta Jose Luis Urrutia idazleek osatutako gaztelaniazko epaimahaiaren erabakia. Bestetik, Iratxe Esnaola donostiarraren "Zerbait ez doa ondo" eta Igor Arroyo iruindarraren "Haur Jolasak" ipuinek euskarako epaimahaiak emandako 2.050na euroko akzesitak irabazi dituzte. Gaztelaniaz, Kubako Sancti-Spirituseko Cabainguaneko Pedro Luis Rodriguez Molinaren "Los de Siempre" eta Madrilgo Jose Miguel Garcia Martinen "El Gong" lanentzat izan dira akzesitak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun