San Gil, Astarloa, Cayetana Alvarez, Basagoiti eta Arrue izan dira Areetan eta Leioan
2008ko mar. 4a, 23:10
Uribe Kostako popularrentzat egun handia izan da gaurkoa. Rajoy eta Pizarro izan ezik bere hautagai sendoenak ekarri ditu eskualdean gaur burutu dituen hiru hauteskunde ekitaldietara. Eguerdiko 12etan, prentsaurrekoa eman dute Areetako Zugatzarte kaleko egoitzan Maria San Gil, Ignacio Astarloa, Marisa Arrue, Antonio Basagoiti eta Erresumako hiriburutik etorritako Cayetana Alvarez hautagaiak. Bertan, Zapatero eta Rajoyren arteko atzoko buruz-burukoan Marianoz “harro” agertu; abertzaleen eta “Ibarretxeren erronka edo Espainia apurtu nahi duten aurrean bermea ez den Rodriguez Zapateroren” aurkako kritikak bota; eta Rajoy Espainiako Gobernuaren presidentea balitz, “Espainiarekin apurtu nahi dutenek beraien plan ilegalek, sezesio erreferendumak, gorde beharko lituzkete kajoi batean zapi giltzen pean” adierazi dute popularrek. Ondoren publizitatea banatu diete Areetako auzokideei.Arratsaldeko 19:30ean, berriz, Antonio Basagoitik, Ignacio Astarloak eta Marisa Arruek hitz egin dute Leioako Mendibile jauregian antolatutako mitinean. Goizeko leloak errepikatzeaz gain, Katalunian katalanez ez errotulatzeagatik jarritako isun bakana izan du hizpide Astarloak, gaztelania “askatasunez” erabiltzeko lege bat abiatuko dutela iragarriz. Era berean, ekonomiari buruz, gaur ezagutu diren langabeziari buruzko otsaileko datuak komentatu ditu Bizkaiko zerrendaburuak, Zapaterori errua botaz. Azkenean PPrentzat eskatu du botoa presidentzian “Ibarretxe eta Carod gelditu, terroristekin ez negoziatu, hiritarren segurtasun ezari eta krisialdi ekonomikoari aurre egin, eta inmigrazio prozesuan ordena jarriko duena” eseri dadin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun