Gainera, mahai-inguruaz gain, aurreko hitzaldiaren balorazioa egin dute: "antenekin arazorik ez dagoela, dena zuzena dela eta auzokideen beldurrak oinarririk gabekoak direla esateko bideratuta dago". Izan ere, hizlari guztiak multzo berekoak izatea leporatu diote antolakuntzari. Gainera, "Getxoko zergadun guztien diruarekin ordaindutako hitzaldia" dela gogoratu dute.
Bestalde, antenen instalazio klandestinoa dela kezka gehien sortzen duen gaia gogoratu dute eta faltan bota dute eztabaida hori. Bestalde Getxoko Udalari telefonia enpresen lobbyei jokoa egitea leporatu diote. Azkenik guztiz susmagarria jo dute mintegiaren inguruan Antena Ez elkartearen izena lotu nahi izatea eta zalantzan jarri dute beste hizlariekin berdin jokatu dutenik, "eta hori ez dugula esan hauteskunde kanpainaren erdian egiten dutenari buruz...".
Antena Ez elkartea ez da egongo osteguneko mintegi "susmagarrian"
2008ko mar. 4a, 23:27
Antena Ez elkarteak zabaldu duenez, Getxoko Udalak ostegunerako telefonia antenei buruzko hitzaldia antolatu duela jakin eta Antena Ez elkartea bera parte hartzeko gonbitea gaur goizeko 12:03ean jaso izan du. Auzokideen elkarteak argitu duenez, mahai-inguru batean parte hartuko dutenentz Udaletik premiazko erantzuna eskatu diete, nahiz era hitzaldiaren nondik norakoak ez ezagutu. Barne kontsultak egin ostean, 13:07an erantzun egin dute Udal Gobernuari jakinarazteko ostegunean ezinezkoa dela elkarteen bozeramaileak minbtegira hurbiltzea. Bestalde, Antena Ez asteartero biltzen denez, elkarteak bihar arte ezin izango lukeela ganoraz erantzun bat eman. Azkenean Udalak Antena Ez elkartearen izena galdetu baino lehen erabili egin duela konturatu dira eta erabilitako prozedura salatu dute: "dena azkar, korrika, eta auzokideentzat zuzena ez den informazioa prestatzen". Argazkian, Antena Ez elkarteak Areetako Eskoletako plazan eginiko elkarretaratzea / Antena Ez.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun