Bihar bertan, Berangoetako kultur etxean, "Lo que cuentan los cuentos" izenburuko hitzaldia egongo da entzungai, 19:00etan. Sopelako udaletxeko hallean, berriz, sexuari buruzko solasaldia eskainiko zaie gazteei, 19:00etan, "Geu emakumeak, haiek gizonak, elkarbizitzaren argi ilunak" izenburupean. Etzi, emakume kirolari profesionalei buruzko mahaingurua egingo dute, Urdulizko kultur etxean, 19:00etatik aurrera, Athletic-eko futbolariek, Eunate Agirre bodyboard kirolari sopeloztarrak, Yahaira Agirre judoka algortarrak eta Virginia Berasategi atletak. Berangon, berriz, kontzertua eta askaria izango dira, ostiralean, ikastetxean, 18:30etik aurrera.
Martxoak 8
Martxoaren 8an, berriz, "Urdaburutarrak" umeentzako tailerra egingo dute Barrikako udaletxean, 11:30ean. Ekitaldi horren bidez haurrekin genero berdintasuna landu nahi dute, modu dibertigarriak erabiliz. Liburu bat irakurri ostean, etxeko lanaz, laguntzaz eta eurean ahalegin handienak egiten dituzten pertsonenganako eskertasunaz mintzatuko dira, udal iturrien arabera. Ondoren, liburuko pertsonaietan oinarrituta, hainbat objektu sortuko dituzte etxean oparitzeko. Azkenik hilaren 14an, ostiralarekin, Berangon, “Zure herriko 55 urtetik gorako emakumeen egoeraren diagnostikoa” lana aurkeztuko dute Berangoetako ekitaldi aretoan, 11:00etan. Bertan,Ana Landa alkatea eta Bizkaiko Foru Aldundiko Berdintasun eta Herritarren Eskubideen zuzendari nagusia egongo dira. Egun berean, Barrikan, "Kandelen argipean" izenburuko helduentzako ahozko narrazioa eskainiko dute udaletxean, 18:00etan. Bestalde, Emakume eta Gizonezkoen arteko Berdintasunerako Europako Kartarekin bat egin du Sopelako Udalbatzak.
Martxoaren 8ko Emakumeen Nazioarteko Eguna dela eta, urtero bezala, hainbat kultur ekitaldi antolatu du Uribe Kostako Zerbitzu Mankomunitateak. Ekintzak aste hasieran abiatu ziren Plentzian, astelehenera bitartean Goñi Portal kultur etxean ikusgai egongo den Euskal Herriko feminismoaren historiari buruzko kartel erakusketaren bitartez. Egunotan, hitzaldia, antzerkia eta ipuin kontaketa izan dira Berangon eta Sopelan, baina oraindik badago zerekin gozatu. Besteak beste, Barrikan ostegun honetan, hilak 6, hasiko dira ekintzak, "La Trouppe de Mercedes" antzezlanarekin (argazkian) eta ondoren egingo den kafe-tertuliarekin, 18:00etan udaletxean. Komedia horretan, Salva Alonso, Mentxu del Cid, Begoña Hernandez eta Vevi Mateos aktoreak euren artean erabat desberdinak diren lau emakumeen bizitzaz mintzatuko dira. Andreek, eguneroko gauzak ezartzen eta agintzen zaizkien moduaz gogaituta, lagun talde bat bahitzea erabakitzen dute euren kexak norbaitek entzun ditzan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun