Mankomunitateko gainontzeko udalerriei dagokienez, Berangon, judo txapelketa (pilotalekuan) eta futbola (zelaian) izan go dira; Gorlizen, hockey (futbol zelaian) eta eskupilota (pilotalekuan); Lemoizen, irristaketa (Armintzako pilotalekuan); Plentzian, piraguismoa (itsasadarrean) eta gimnasia erritmikoa (pilotalekuan); eta Urdulizen, eskubaloia (pilotalekuan), herri kirolak eta arku-tiroa (probalekuan). Sari banaketa eta luntxa Sopelako pilotalekuan izango da, 14:00etan. Lehiaketari bukaera emateko Sugan taldeak kontzertua eskainiko du pilotalekuan, 22:00etan.
UKmartxoak 8
UKmartxoak 8 mugikorren bitartez egingo den dokumetal kolektibo bat da. Martxoaren 8an ospatuko den Uribe Kostako Emakumeen I. Kirol Anitzeko Lehiaketa gaitzat hartuta, bertara hurbiltzen dena, mugikorraren bidez bere ikusentzunezko lana grabatu ahal izango du, norberak ekitaldiari buruz duen ikuspegia azalduz, mankomunitateko iturriek azaldu dutenez. Bahin parte hartzaileen proposamenak bilduta burutuko den bideoa guzti horien aukeraketa eta muntaiaren ondorioa izango da. Grabazioa info[abildua]ukmartxoak8.com e-posta helbidera bidali beharko da.
"Kirolaria naiz, baita emakumea ere" lelopean, Uribe Kostako Emakumeen I. Kirol Anitzeko Lehiaketa antolatu du martxoaren 8ko Emakumeen Nazioarteko Egunerako Mankomunitateak. Gauzak horrela, udalerritik udalerrira hainbat kirol jarduera izango da goizeko 9etatik eguerdiko ordu bata eta erdiak bitartean. Barrikan padel txapelketa jokatuko dute udal pistetan egingo da (Izena eman Barrikako kultur etxean hilaren 7a baino lehen / 946 775 163). Sopelan, berriz, ondorengo probak egingo dituzte: urpeko jarduerak, igerilekuetan; softbola eta saskibaloia, Urko kiroldegian; atletismoa, udaletxeko inguan; tai ji, udaletxe ondoko parkean; xakea, Kultur Hallean; surfa, hondartzetan; eta boleibola, Zipiriñen. Mendiko ibilaldiari dagokionez, goizeko 9etan hasiko da Udaletxeko plazan (Izena ematea ordu erdi lehenago).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun