CCOO sindikatuak alde batera egin ostean, biharko Osakidetzako zentroetan deituta zuten greba orokorra mantentzea erabaki dute ELA, LAB, UGT, ESK eta SAEk sindikatuek, hiritarrei eskaintzen dieten zerbitzua eta profesionalen lan baldintzak hobetu aldera. CCOOk, ordea, uko egin dio lanuzteari Eusko Jaurlaritzako Osasun Sailarekin Osakidetzari buruzko negoziaketan "ahal den gehien" ateratzea nahi duela iragarriz. Aurretik ere, SATSE erizainen sindikatuak eta UTESE osasun teknikarienak bertan behera utzi zituzten mobilizazioak eta azken greban ez zuten parte hartu, negoziazioan aurrerapausoak eman bitartean jokamolderik hoberena hori delakoan. ELA, LAB, UGT, ESK eta SAEk manifestazioak deitu dituzte hiriburuetan eta gogoratu dute aurreko astean Osakidetzak egindako azken eskaintza "ez dela nahikoa": hurrengo lan eskaintza publikoan erabakitakoa baino 90 erizain eta beste 20 langile gehiago hartzea proposatu diete. Argazkian, 2007ko martxoan Almintzan zabaldu zuten osasun-kontsultategi berria, Atalaia kaleko 5. zenbakian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun