EHNAz identifikatu zen gaztearen aurkako epaiketa atzeratu dute ertzainek kale egin ostean
Bere burua EHNAz identifikatzeagatik Itxaso Viñesen aurka gaur burutzekoa zen epaiketa atzeratu egin du gaur Bizkaiko Auzitegi Probintzialak. Erabakia akusazioaren lekukoak diren ertzainak agertu ez direlako eta epaileari eta fiskalari Viñesen hitzak itzuliko lizkiekeen itzultzailea deituta ez zegoelako hartu dute ofizialki, baina defentsak salatu du "epaiketa hauteskundeetatik kanpo egin nahi" dutela. Epaitegi aurrean 21 lagunek burutu duten "Euskal Herritarrontzak ez dago justiziarik" elkarretaratzearen leloaren moldaketa ironikoa eginez, Kepa Manzisidor abokatuak salatu du "Euskal Herritarrontzat justizia egon badago, baina ez orain", eta argi utzi du hauteskunde interesak daudela gaurko erabakiaren atzean. Aurretik, epaitegiaren ateko kontrolean, ertzainek ez diote Itxaso Viñesi sartzen utzi, EHNA aurkeztuta, baina gero amore eman dute. Desobedientzia falta egon zenetz erabakitzeko bista berria apirilaren 11an, goizeko 11:25ean jarri dute. Argazkian, Itxaso Viñe, eskumaldetik lehenengoa, Azpiri (ezkerrean) eta Bai Euskal Herriariko kideekin, aurreko prentsaurreko batean.
Elkarretaratzean, besteak beste Oiakue Azpiri 18/98ko auziperatua, Mikel Luloaga Bai Euskal Herriari ekimeneko bozeramailea eta 2000n ENAz identifikatzeagatik desobedientziaz absolbitu zuten Iñigo Fernandez de Martikorena itzubaltzetarra izan dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun