Algortako Jesusen Bihotza udal zahar etxean duela 15 urte bizi den Zacarias Ortega Yustos omendu dute gaur 100 urte bete dituelako. Imanol Landa Getxoko alkateak eta beste udal eta foru agintari batzuek gorazarre egin diote gaur Ortegari, 100 urte bete duen egunean bertan. Omendutakoa, adin kontuak direla eta ikusteko eta entzuteko dituen arazoez aparte, osasuntsu dago. Alarguna eta jatorriz Valladolideko Renedo de Esgueva herrikoa, Euskal Herritik kanpo bizi diren bi alaba, bost iloba eta beste bost biloba ditu. 16 urte zituela Getxora etorri zen eta Estatuko beste herri batzutan bizi izan bada ere berriro itzuli zen udalerri horretara. 70ko hamarkadan, erretiroa hartu aurretik, Sestaoko Astilleros Españoles ontzioletako auto gidaria zen. Bizkaiko Foru Aldundiak beste bost lagun omendu ditu egunotan: Juan Cabezas Zuazabeitia, Carmen Hernandez Carasa, Ciriaca Lopez Sanz, Josefina Ormaetxebarria eta Asuncion Izagirre Carro. Argazkian, Sorne Unzueta "Utarsus" zena 104 urte bete zituen 2005ean Urdulizen hil baino lehen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun