Abstentziorako deia egin dute 250 bat lagunek Leioako campusean
2008ko mar. 6a, 17:45
Gazte independentistek egindako deialdiarekin bat eginez, 250 bat lagunek egin dute manifestazioa Leioa eta Erandioko campusean barrena, martxoaren 9ko Espainiako Kongresu eta Senaturako hauteskundeei "boikota egin" eta "abstentzio aktiboa" eskatzeko. "Iruzur neoestatutarioari boikota. Abstentzioa" lelopeko pankarta atzean, independentziaren aldeko eta EAJ eta PSOE alderdien kontrako aldarriak egin dituzte bertan bildutakoek, kafetegi nagusiaren aurrean hasi eta toki berean amaituz. Bestalde, mobilizazioekin jarraituz, 18:00etan, propaganda banaketa egingo dute Areetako Bizkaiko Zubian; 19:00etan, auto karabana Leioako osasun etxeko atzeko parking-etik; 19:30ean, manifestazioa Itzubaltzeta / Romoko Kolas plazan (BBVA banketexearen alboan) eta Algortako Telletxe plazan; eta 20:00etan, “Euskal Herriak independentzia. Abstentzioa!” lelopeko kontzentrazioa Plentziako Pirulin. Argazkian, eguerdiko manifestazioa Leioako campusean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun