Ipuin ustelen sasoia da hauteskunde garaia. Hauteskundeak demokraziaren oinarria ei dira, baina baita demokrazian sakontzeko traba handiena ere. Kaka bera saltzen dute estatuko alderdi nagusi biek. Zelofan urdin edo gorria aukeratzea da herritarren zeregina. Izquierda Hundida-k identitate gatazkan dauden lekuan baino ez dauka indarrik. Normalizazio politiko ezaren alaba da.
EAJ, EA, Aralar eta NaBaik, askatasunik ezaren etekin ekonomikoetatik bizi direnek, orain arte inoiz lortu ez dutena lortu behar dute oraingoan. Euskal Herrira demokrazia ekartzea. Dardarka hasten naiz aurrekontuen truke ekarri ohi dituzten aurrerapenetan pentsatuta. Agian legealdi honetan Urdaibai asfaltatu nahiko dute, AHTk desbideratuko ez dituen kamioiak aparkatzeko.
Ondo pasa ezazue espainiar demokraziaren jaian parte hartzera zoazten euskaldunok. Niretzat, AEBetakoetan bozkatzeak zentzu gehiago leukake. Hango erabakiek bai eragiten digutela.
Fredi Payak gaur "Berria"n argitaratutako artikulua
Fredi Paya: "ipuin ustelak"
2008ko mar. 7a, 11:45
Parisko zikoinarekin hasita eta Olentzerorekin jarraituta, gezurretan oinarritutako ipuinak kontatu izan dizkigute ilusioz bizi gaitezen. Gure eskualdeko baserritarren artean ez dago kreentzibako edo krintzebako baino adjektibo mespretxuzkoagorik. Sustantzibako esatea baino gehiago da, barruan ezer ez duenaren erradiografia. Zer sinetsia behar du pertsonak. Sinesterik gabekoa, ilusio edo iparrorratz existentzialik gabekoa baino gizaki galduagorik ez dago. Ezer ezin baitaiteke beragandik espero. Bere jarrera ezin aurreikus liteke, edo robot hutsa da. Baina azken aukera horretarako ere ezarri diguten programa informatikoaren ontasunean sinetsi beharra dago. Sumisio minimo bat eskatzen du. Argazkia: Koska irratia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun