Zozoak taldea 1999an sortu zen Areetan, musikaren irakaskuntza eta musikaren bidez herri kultura ezberdinen arteko harremanak sendotzeko. Egun 42 ahotsek osatzen dute taldea eta hainbat erregistrotan murgiltzen dira: musika klasikoa, euskal folklorea, habanerak, gabon-kantak, eliz-musika eta abar. Dagoeneko euskaraz eta gaztelaniaz gain, latinez frantsesez, ingeleraz, lituanoz eta Hego Afrikako hizkuntza nagusian abesteko aukera izan dute. Euskal Herrian, Asturiasen, Leonen, Aragoin, Galizian, eta Gaztelan abestu dute, Irma Rutkauskaite zuzendariaren aginduetara.
San Inazio abesbatzak Talde honek aurten betetzen ditu bere 30. urteurrena, 1978an Andoni Armentiak sortu baitzuen. Egun 45 ahits dituela. Euskal Herriaz gain, Herrialde Katalanak, Aragoi, Gaztela eta Frantzia bisitatu ditu. Gaur egun Olga Sanchez eta Alberto Salado dira San Inazio abesbatzaren zuzendariak.
Larunbatean eliz-musika izango da entzungai Areetan
2008ko mar. 7a, 11:56
Areetako Abeslari Lagunen Abesbatza-Zozoak taldeak antolatuta eta abestuta, eta Bilboko San Inazio abesbatzaren parte-hartzearekin, bihar, larunbata, 20:00etan, kontzertu sakroa izango da Areetako Andres Isasi Udal musika eskolan (argazkian). Errezitala Aste Santua ate joka egotearen harira prestatu dute eta Getxoko Udalaren zein musika eskolaren beraren laguntza izan du. Kontzertuan zehar, eleiz musika ardatz izango duen programa izango da entzungai, Mompou, Palestrina, Victoria, Bach, Haendel, Schubert, Mozart eta Madinaren hainbat lan bilduz. Errezitaldirako sarrera doakoa izango da, gonbidapen-txartela aurkeztuz gero. Txartela Abeslari Lagunen Abesbatza-Zozoak taldearen bitartez zein musika eskolako lehiatilan bertan jaso daiteke.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun