Bestalde, hilaren 27an eliza katolikoa eta apostasiari buruzko hitzaldi eta mahai-ingurua izango da, arratsaldeko 19.00etan. Hurrengo egunean, Herri Norte Taldeak antolatutako kontzertua izango da, Subversion X, Conflict Noise eta Cosecha Propia taldeekin. Ekitaldia 20:30ean hasiko da.
Azkenik, Leioako Udondo gaztetxeak animatu ditu herriko gazteak asanbladetan parte hartzen. Batzar orokorrak astero egiten dituzte, astearteetan, arratsaldeko 19:00etan. Era berean, ostegunetan, ordu berean kultur eta informazio taldea batzen da, gaztetxeko kideek jakinarazi dutenez.
Bihar, larunbata, goizeko 11etatik aurrera Leioako Udondo gaztetxeko kideek azken hileotan eraiki duten eskalada-murru berria estreinatu dute. Gainera, aisialdi autogestionaturatz emandako urratsa egun osoan zehar ospatu dute, zinta, tirolina, bazkari "landaretsua" eta argazkien erakusketa direla medio. Egunari bukaera eman eta gauari atea irekitzeko, 20:30ean kontzertua antolatu dute Materia Gris, Jarraitu eta Okupando Rom@ taldeekin. Sarrera hiru eurotan erosi ahal izango da gaztetxeko atean bertan. Bestalde, hurrengo egun eta asteotan ere, Leioako gaztetxeak hainbat ekimen hartuko ditu. Astelehenean, hilak 11, 19:00etan Askapenak maputxe herriari buruzko hitzaldia eskainiko du. Azken egunotan bi izan dira horri buruzko albiste nagusiak: alde batetik, Patricia Trancoso militante maputxeak berriz ekin dio gose grebari Bacheleten Gobernuak hartutako konpromisoak apurtu ostean; beste aldetik, Kamaradak kolektiboak Araba Buru Batzarren aurrean Iberdrola maputxeen lur eta urak kutsatu egiten duela eta EAJ enpresaren mesedetan lan egiten duela salatu zuen biei "euskal inperialistak" izatea leporatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun