Hamazortzi hilabete hauetan, batzordekoek dioten moduan, "gaztetxearen babesa eta laguntza etengabekoa izan da, eta hori Udondokoen artean hiruzpalauk baino ez dutela eskalatzen!", nabarmendu dute: "baina herriarentzat eta gazteentzat ona zela ikusi zuten eta eskalada-murruaren lehenengo zatia gaztetxeak berak ordaindu zuen". Hori bai, onartzen dute ezin izan dutela bukatu arte itxaron eta hilabete hauetan maiz erabili dutela.
Azken boladan, gainera, lan handiak egin dituzte eskalada-murrua hobetzen, bai aurkezpen data finko bat jarrita "azken ukituak" egiteko motibazio handiagoa zutelako baita hainbat zaleek azken hileotan egin dizkieten material donazioagatik ere: "Sopelako hainbat lagunek Berangoko lonjan zituzten materialak ekarri dizkigute. Haiek soberan zituzten eta hemen erabilera emango zaie".
Iluntzean eskalarien jaialdia
Goiza eskalatzen eman ostean, Udondoko ohiko bazkari begetariano gozoa izan dute eta bazkalostean eskalada bideo batzuk ikusteko zeukaten. Iluntzean ere, jarraituko du Leioako eskalarien jaialdia, 20:30ean, Materia Gris, Jarraitu eta Okupando Rom@ taldeek emango duten kontzertua dela medio. Eguenan zehar aterako den dirua eskalada-murrua finantzatzen inbertituko dute, hondatzen joan daitekeen materiala ordezkatu eta pieza berriak erosteko.
Leioa, Uribe Kosta eta Txorierriko 44 lagun batu dira gaur goizean Udondo gaztetxeak publikoki aurkeztu duen eskalada-murru berria probatzera. Askok eta askok kirol hori praktikatzen urteak badaramatze ere, gaur gazte hasiberri batzuk ere hurbildu egin dira eta esperientzia gehiago daukatenei so egoteaz gain, bere kabuz probatu dute gaztetxeak Leioari "oparitu" dion "doako aisialdi autogestionatuaren baliabide berria". Bertako Eskalada-murrua Batzordeak UKBERRI.NETi jakinarazi dionez, Udondok beste murru bat izan zuen orain dela sei urte, baina "ez zen ondo zaindu eta galbidera joan zen". Urte batzuk beranduago sarrerako eskaileran, eskalada-murru txikia jarri zuten "gau batean burutu zitzaigun eta joku nahikotxu eman zuen nahiz eta txikikeria izan". Azkenik orain dela urte t'erdi ekin zioten gogoz eskalada-murru berria egiteari: "bestea hondatu zenetik Unben, Axpen, Sakonetan, Portugaleten, Kukutzan edo Txurdinagan eskalatu du jendeak, baina Sakonetan eta bestelako kiroldegietan ordaindu behar da eta beste lekuak herritik urrun daude, horregatik berriro Udondon egitea otu zitzaigun, Kukutzakoa adibide hartuta".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun