Getxon irabaztea lortu du Arruek, baina diputatu jesarlekua galdu du

Erabiltzailearen aurpegia Ukberri 2008ko mar. 10a, 02:38
Enegarren aldian lortu du Marisa Arruek bere ametza: Getxo udalerrian hauteskundeak irabaztea, hiru botoengatik bada ere. Getxoko PPren bozeramaileak badu, hortaz, errebantxazko garaipena eta baita Imanol Landa alkatearen aurka botatzeko artilleria berria. PPk 500 bat boto galdu ditu 2004rekin konparatuz, baina udal hautenkundeetan galdu zituenetik urte batean 1.600 errekuperatu ditu eta 14.321etan jarri da. Baina, aldi berean eta inpugnazioek ez badiote arrazoia ematen, 481 botoengatik galdu du Arruek Madrilgo Kongresuko bere aulkia. Baina Rut Martinez jelkidearen mesedetan barik, inork espero ez zuen Josu Montalba PSE-EEren kidearentzat joan da aulkia, EAJk Bizkaian, bere boto-bihitegian, babesen %20a eta 64.000 boto galdu ostean. Getxoko jeltzaleek popularren kontrako norabidea egin dute eta udal hauteskundeetatik hona sufragioak berreskuratu arren 14.318 botoekin atzean gelditu dira. Hauteskundeen emaitzak eskualdean (pdf).
Baina, baliteke dagoeneko bikote kontua ez izatea Getxoko alkatearen aulki dantza, PSE-EEk biengandik oso hurbil jarri baita 12.130 botoekin, %33ko igoerari esker. Abstentzioa 17.680 getxoztar erakarri ditu eta 7 puntutan igo da. Dena den, Estatuko mediak baino %2,5 gehiago baino ez da izan. Hemen ere, EAk eta EBk orain dela lau urteko babesen erdia baino ez dute jaso eta Aralarrek gutxiago galdu du, galtzeko gutxiago zeukan eta. Gainera, UPDk aurreratu ditu Zabaletakoak. Bestalde, Berdeek 1.000 boto galdu dituzte urte batean. Azkenik, eskuin muturreko alderdiek 92 boto eskuratu dituzte.
Politika Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun