Lau urte luze igaro dira “Magia negra” lanarekin bakarka debutatu zuenetik. Estatu osoan, Portugalen eta Suitzan aurkeztu ondoren eta, geroago, mundu mailako bira batean Fermin Muguruzarekin kolaboratu ostean, Bang-Matuk disko berri batekin itzuli da: “I´m thinking about you”. 10 kantutan, bere ahotsaren aldaberatasun eta nortasun handia erakutsiko digu. Soul, Jazz, R & B; horiek guztiak bere erregistro inkontzienteak dira aspalditik, eta, horiei esker, orokorrean musika beltzaren zale guztiek kantu guztiez goza dezakete. Diskoa “I wanna say goodbye” abestiarekin hasten da. Begoñaren ahotsaren soul garbiak, Mario Díazen organoak eta Roberto Mirandaren soloek iragandako denboretan zehar gidatuko gaituzte,
Horretaz gain, beste hainbat ekitaldi prestatu ditu aste honetarako Kultur Leioak:
Martxoak 11, asteartea
20:00 "El buen nombre" filma, entzungelan.
Perseo Zine Foruma eta Emakume Zuzendari Zikloaren barruan.
Martxoak 15, larunbata
20:00 "Expiacion: mas alla de la pasion" filma, entzungelan.
Sarrera: 4 euro.
Martxoak 16, igandea
12:00etan eta 17:00etan, "Winkyren Zaldia" haurrentzako filma, entzungelan.
Sarrera 3 euro.
20:00 "Expiacion: mas alla de la pasion" filma, entzungelan.
Sarrera: 4 euro.
Leioan emango du zuzeneko kontzertua ostiralean Begoña Bang-Matu abeslari ginearrak
Itzubaltzeta / Romoko Brixton Records diskoetxeak Begoña Bang-Matu Ekuatore Gineako abeslariaren lan berria kaleratu du, "I am thinking about you" (Zutaz pentsatzen nabil), Orquesta Kingston taldearekin kaleratzen duen bigarrena. Bizkaie! agerkari digitalak azaldu bezala, reggae, ska-jazz, rocksteady, soul... horiek ditugu osagaiak lan berri honetan. Ahots guztiz liluragarri batez abesten dituen Bobby Hebben bertsio ikaragarriak, Steve Wonderren "Master blaster" eta Henry Manciniren "Charade" gaiak izan ezik, Bang-Maturenak dira, oso-osorik, gainerako konposizio guztiak. Datozen egunetan, gainera, Bizkaian zehar ibiliko da abeslari ginearra, zuzeneko kontzertuak ematen, Blues-Jazz Zirkuituaren barruan. Horrenbestez, saio horietako bat Kultur Leioan bertan izango da, ostiral honetan, martxoak 14, 22:00etatik aurrera. Sarrerak sei eurotan egongo dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun