Zergei buruzko informazioa SMS bidez igorriko du Getxoko Udalak
2008ko mar. 10a, 22:05
Sakeleko telefono zenbakia eman zuten zergadun guztiei, erroldan helbideratuta dituzten ordainagiriei buruzko informazioa SMS mezuen bidez bidaliko die, astearte honetatik aurrera, Getxoko Udalak. Lehenengo mezua, beraz, bihar bertan jasoko dute ordainketa lau epetan egitea aukeratu dutenek. SMSan agertuko da zein egunean kobratuko zaien zerga (lehenengo epea martxoaren 17an) eta hori zenbatekoa (epe bakoitzari dagokiona) den. Berriro bidaliko zaizkie mezuak, ordaintzeko epe-muga eguna heldu baino aste bete lehenagotik, gutxi gora behera, 2008ko Zerga Egutegian ezartzen diren datak kontutan edukita. Borondatezko ordainketen kasuan, zerga kobratuko zaie epea amaitzean, hau da, apirilaren 30ean. Hiru hilabetean behin, sei hilabetean behin edo urteko ere ordaintzerik badago, epekako modua aukeratuz gero; bankuko helbideratzearekin betiere.Norbaitek zergak kobratuko dizkioten data eta horien zenbatekoa, SMS mezu baten bidez aldez aurretik jakin nahi baldin badu, 2009ko urtarrilaren 1etik aurrera; maiatzaren lehenengo egunetik edukiko du bere sakeleko telefono zenbakia jakinarazteko aukera. Horretarako hainbat modu egongo dira: Neguriko Foruak kalean dagoen Getxoko Udalaren Bilketa arlora joanez, gutun baten bidez, 944 660 038 zenbakira faxa igorriz edo bilketa[abildua]getxo.net helbide elektronikora mezua idatziz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun