Topagune Txikia ospatuko dute bihar eta etzi Leioako campusean

Erabiltzailearen aurpegia Ukberri 2008ko mar. 11a, 17:37
Martxoaren 21etik 24ra Lezon ospatuko den Gazte Topagunea gero eta hurbilago dagoela, Topagune Txikia antolatu dute asteazken eta ostegunerako Leioa eta Erandioko campusean. Bertan, Abiadura Handiko Trena (AHT), etxebizitza, kultura eta medikuntza alternatiboaren inguruan eztabaidatzeko aukera egongo da, "karrera ezberdinen ikuspegitik", eta sexua ere edukiko dute hizpide, Sextabaidaren bitartez. "Behin eta berriz errepikatu izan da gaur egungo unibertsitate ereduak eta Bologna prozesuaren bidez inposatu nahi dutena ikasle akritiko eta sumisoak eraikitzeko makinak besterik ez direla. Egungo sisteman guztiz integraturiko txotxongiloak hezten dituzte", adierazi dute antolatzaileek. Argazkian, otsailaren 29an, Itzubaltzeta / Romon egindako aurkezpenaren irudia.
Gaineratu dutenez, "eraldaketaren bidean, argi dago hezkuntza dela oinarria eta hezkuntzatik hasi behar dela eraldatzen. Hori dela eta, topagunean egingo den Eskola Gorria aitzaki hartuta, eztabaida hauek burutuko dira, euskal ikasleek nahi duten hezkuntza eredua bultzatuz, bakoitzak bere eremutik gai hauen inguruko ekarpenak eginez".

Honako hau izango da hurrengo bi egunotako egitaraua:

Martxoak 12, asteazkena

19:00 Kanpaldia, Zientzietako fakultate parean.
20:00 Sextabaida.
22:00 Bokata jana eta "Shortbus" filmaren proiekzioa.

Martxoak 13, osteguna

9:00 Gosaria.
10:00 Mintegiak:
- AHT
- Etxebizitza.
- Kultura.
- Medikuntza alternatiboa.
12:00 Osoko bilera.
14:00 Bertso-parrillada, Arte Ederren fakultatean.
16:30 Bakarrziketak.
17:30 Gazte Jolasak.
Gazteok Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun