Algortako Portu Zaharreko murrua apurtu dute olatuek
2008ko mar. 11a, 19:08
Denboraleak, eta batez ere, izugarrizko olatuek, azken hamarkadetako kalterik handienak eragin dituzte euskal kostaldean. Batez ere, Donostian, Bakion, Bermeo eta Ondarruko portuetan, eta Lapurdiko kostaldean jazo dira txikiziorik larrienak. Gurean ere ez dira txiki geratu olatuek. Besteak beste, Algortako Portu Zaharreko murru handiko punta apurtu du itsasoaren indarrak, bertarako bidea itxi dutela udaltzainek. Euskalmet Euskal Meteorologia Zerbitzuak nabarmendu duenez, ekaitza, eguerditik ostegun gauera bitartean, pixkanaka baretuz joango da. Hala ere, arisku egoerak oraindik jarraitzen du, batez ere itsaso eta itsasertzean.Atzo, olatuen gehienezko altuera 5 metroren bueltan ibili zen, eta gauarekin batera, 7-8 metrotara igo zen, Euskalmetek emandako datuen arabera. Gaur goizaldean ere 7-8 metro inguruko olatuak izan dira, eta goizean 6-7 metrotara jaitsi dira. Ostegunean, berriz, 4,5 metro inguruan hasiko dira, eta egunak aurrera egin ahala jaistea espero da, arratsalde-iluntzean 3 metrotan geratu arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun