Kultur eta kirol elkarteentzako dirulaguntza deialdia zabaldu du Berangoko Udalak
Dirulaguntza eskuratu nahi izanez gero, datorren urterako ekintza egitarauak aurkezteko epea zabalik dagoela jakinarazi die tokiko kirol eta kultur erakunde zein elkarteei Berangoko Udalak. Deialdiaren gaineko iragarkia martxoaren 11n argitaratu zen Bizkaiko Aldizkari Ofizialean. Eskabideak aurkezteko epea, berriz, apirilaren 12an amaituko da. "Aurreko urtean dirulaguntza eskuratu zuten taldeek dirulaguntzaren xedea frogatu beharko dute aipatu epearen barruan, burutu dituzten ekintzei buruzko txostenaren bidez, egin diren ordainketak edo gastuak eta sarrerak azaltzen dituen txosten zehatza aurkeztuz eta benetakotze-agiriak erantsiz", udal arduradunek zehaztu dutenez. Dirulaguntza eskuratzeko ezinbestekoa izango da Elkarteen Udal Erregistroan inskribaturik egotea. Argazkian, hainbat neska-mutil Berangoko Gaztelekuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun