Leioako Udalak prentsa ohar bidez jakinarazi duenez, dagoeneko prest dituzte igande honetan, martxoak 23, Aberri Eguna ospatzeko ekitaldiak. Horrenbestez, 9:30ean, Boulevardetik udaletxera arte joango den txistularien kalejirarekin emango diete hasiera ospakizunei. Udaletxeko plazara heltzerakoan, 10:30ak inguruan, txalapartariek agurra egingo diete udal ordezkariei eta, horren ostean, ohikoa den ikurriñaren igoera eta ohorezko aurreskuaren txanda izango dira. Goiz erdialdean, 11:00etan, meza hasiko da San Juan Bautista elizan. Hori amaitzerakoan, 11:45ak aldera, udaletxeko plazan bertan, txistulariek eta txalapartariek giroa berotuko dute soinu alaiekin, eta, ondoren, trikitilariek lekukoa hartuko diete, kalejirari hasiera emangez. Eguna amaitzeko herri kirolen erakustaldia izango da Boulevardean Leioako Eskolako harri jasotzaileen eskutik. Argazkian, Leioako udaletxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun