Erroldatzearen "garrantziaz" ohartarazteko kanpaina abian jarri du Getxoko Udalak
"Pertsona guztiek udalerrian erroldatzeko duten eskubidea eta betebeharraz" ohartarazteko asmoz, Eusko Jaurlaritzako Etxebizitza eta Gizarte Gaietako Sailaren menpe dagoen Inmigrazio Zuzendaritzak abiatutako kanpainarekin bat egin du Getxoko Udalak. "Errolda ezinbesteko tresna da tokian tokiko herri politikak gauzatu eta udalen artean baliabideak banatzeko. Izan ere, udal erroldan udalerrian bizi diren lagun guztiek izena emanda egon behar dute, bertokoak zein atzerritarrak izan, edo Estatuan beren egoera administratiboa erregularizatuta eduki edo ez eduki", tokiko iturriek adierazi dutenez. Finean, etorkinak eskubide eta betebehar berdintsuak dituzten auzotarrak direla nabarmendu nahi dute. Hau da, esaterako, gizarte laguntzak jasotzeko eskubide osoa duten bezala, zergak ordaindu behar dituztela, alegia. Argazkian, hainbat etorkin Algortako metroko kartel parean.
Getxo udal iturrien hitzetan, "erroldaren garrantzia datza, giza babeseko programak, hezkuntza, lana, etxebizitza eta osasun arreta normaldurako eskubidea ematen duela. Giza bazterkeriaren aurkako araudiak eta giza politikak sustatzeko dauden tresnek errolda dute ezinbesteko baldintza gizarteratze programetara bildu ahal izateko". Halaber, "pertsona guztientzat berdin berdinak diren betebeharrak ere dakartza", tokiko arduradunen arabera. "Zergak ordaindtzea, eta zibil, penal, lan, administrazio eta trafiko eta zirkulazio arloko beharrak ere", aipatu dutenez. Europako Batasunetik kanpoko atzerritarrei dagokienez, "araudi hori berdin berdin bete behar dute, baina Atzerritarren Lege Organikoak hala behartuta nazio horretakoak direnen aldean beren eskubideak murritzagoak dira", udal iturriek diotenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun