Jesus bizirik utzi dute Berangoko Pasio Bizian
2008ko mar. 23a, 21:02
Nazareth-eko Jesus ez zuten hil ezta berpiztu ere pasa den ostiralean, Berangon urtero antolatzen duten Pasio Bizian. Euri zaparrada handiek eta haize bortitzak ezinezkoa egin zuten antolatzaileek elementuen aurka abiatutako 28. edizioa buka zedin. Hasieran, Arte Eszenikoen Lagunak kultur elkarteko 250 aktore eta teknikoek ordu laurdeneko atzerapenarekin ekin zioten antzezlanari, euriak eta arazo teknikoak zirela medio. Azkenean aurrera jo zuten eta aurten bertan egoterik ezin izan ez duen Fernando Ansoleaga zuzendariari dedikatu zioten pasioa. Gainera, ordu erdi pasatu ondoren eguraldia lasaitu zen eta hiru orduz Jesusen azken egunen istorioa kontatu zieten udaletxe aurrean euritakoen azpian batutako 250 bat laguni. Gauerdirako 15 bat minutu falta zirela, baina, denboraleak berriro ekin zion, era bortitzean gainera, eta Pilatosek Jesus Herodesengana bidali ostean amaitutzat eman zuten aurtengo Pasioa, ordu bat gelditzen zela. Argazkian, Jesus azken afarian.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun