Eguerdian 800 lagunentzako paella jana egin eta, hori bukatutakoan, independentziaren aldeko topa egin eta arratsaldean zehar izan diren zenbait ekitaldiren ondoren amaitutzat jo dute gaurkoan Lezoko Gazte Topagunea. Nahiz eta eguraldiak ez duen batere lagundu, balorazio positiboa egin dute antolatzaileek. Gune ezberdinetan izandako partehartzea azpimarratu dute, eta nazioartetik erakutsitako babesa eskertu nahi izan dute. Milaka eta milaka lagunek hartu dute parte aurtengo Gazte Topagunean, "independentzia eta sozialismoaren proiektu politikoarekin" bat eginez. Topaketak iraun duen lau egun hauetan zehar gazte horiek tailer, hitzaldi, eztabaida eta kontzertuetan hartu dute parte, gazte borroken inguruan hausnartuaz, eztabaidatuz eta herriz-herri martxan dituzten borroken esperientziak konpartituz. "Herri bat irudikatu dugu, herri bat osatzen duten guneak eraiki ditugu, besteak beste, eskola, gaztetxea, kultur gunea, herri gunea, musika gunea, baita lasai egoteko Akeita gunea", azaldu dutenez. Argazkian, nazioarteko eragile ugarik parte hartu dute Lezoko Gazte Topagunean / Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun