Errepideen egoera hobera doa Herrizaingo Sailaren arabera
2008ko mar. 24a, 22:17
Gaur goizean, azken egunetan martxan egon den neguko bidezaintza plana bertan behera utzi du Eusko Jaurlaritzako Bidezaingo Zuzendaritzak. "Eguraldiaren hobetzeak eta elurra izatearen arriskua jaisteak eragin du aipatutako bidezaintza plana desaktibatzea", Herrizaingo Sailak adierazi duenez. Hala ere, horrek ez du esan nahi euria egiteari utziko dionik. Euskalmet euskal meteorologia agentziak zabaldutako iragarpenaren arabera, asteburura arte egongo da goibel eguraldia. Besteak beste, bihar zerua oso hodeitsu egongo da eta euria egingo du, batez ere egunaren lehenengo partean; bigarrenean, atertzera egin nahi duela emango du eta barnealdean ateriune luzeak espero dira. Elurra egingo du, 1100-1200 metrotik gora. Ipar-mendebaldeko haizea ahuldu egingo da. Tenperaturak ez du aldaketa handirik jasango. Argazkian, Aste Santuko oporretako itzulera operazioa ere gaur emango dute amaitutzat.Asteazkenean, berriz, euria indar handiz egingo du berriro, batez ere egunaren bigarren partean. Ipar-mendebaldeko haizea ere bizitu egingo da eta kostaldean zakarra izango da, batez ere goizean, fronte hotza pasa aurretik. Elur-kota 1100-1200 metrora kokatuko da. Tenperatura egonkor mantenduko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun