Baltasar Garzon (argazkian) Espainiako Auzitegi Nazionaleko epaileak amaitutzat eman du 2002an Batasunaren kontra abiatutako sumarioa, gaur plazaratu duen hiru orriko autoaren (pdf) bidez. Guztira, 41 lagun auzipetu ditu, "erakunde terroristako kide" izatea egotzita, auzipetuen artean urte luzetan ezker abertzaleko buruzagi ezagun izan diren hainbat lagun daudela: Arnaldo Otegi, Joseba Alvarez, Jose Luis Elkoro, Floren Aoiz, Adolfo Araiz, Esther Agirre eta Karmelo Landa. 2005ean zendu zen Jon Idigoras ere jarri du zerrendan Garzonek. Halaber, Jose Luis Franco eta Maite Amezaga algortarrak eta Izaskun Barbarias urduliztarra daude auzipetuen artean, Auzitegi Nazionaleko epaileak 2002an abiatu zuen 35/02 sumarioa.
Gaur jakinarazitako autoan, Garzonek sumarioa "gradualki" Auzitegi Nazionaleko Gai Penaletarako bigarren atalera bidaliko duela dio, epaitu dezan, 800 liburukoa baita. Sumarioa bukatuta, hamar eguneko epea eman die epaileak aldeei salaren aurrean agertzeko. Hortik aurrera euren idazkiak aurkeztuko dituzte eta Gai Penaletako Salak epaiketarako data jarri ahal izango du. Iturri juridikoek aurreratu dutenez, epaiketa hori ez da urtebete baino lehenago izango.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun