Getxoko PP eta PSE-EE "pozik" azaldu dira gaur, Bilboko Administrazioarekiko auzi-epaitegiko 3. aretoak, bi taldeok Imanol Landa alkate jelkidearen aurka jarritako demanda onartu duelako. Auziaren muinean dago 2007ko azaroaren 8an Udalbatzak onartu zuen Udal Arautegi Organikoa indarrean jartzeari Landak emandako ezetza. Udal agintariak behin eta berriro aldarrikatu du iaz onartutako udal arautegi berriak hainbat irregulartasun eta artikulu ilegalak dituela eta, beraz, ezin dela indarrean jarri. Orain, bost eguneko epea du Getxoko Udalak, administrazio-espedientea bidale edo epaitegiaren erabakiaren kontrako erreguzko errekurtsoa aurkezteko, popularrek jakinarazi dutenez. Argazkian, Marisa Arrue eta Luis Almansa Getxoko PPko eta PSE-EEko bozeramaileek otsailaren 27an aurkeztu zuten Imanol Landaren aurkako demanda.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun