Mugarrarako mendi irteera antolatu du Matrako mendi taldeak

Joseba Sanchez "Matrako" oroitzen duen Matrako mendi taldeak Mañaria udalerri bizkaitarrean dagoen Mugarra mendirako (964 metro) irteera egingo du apirilaren 13an, igandearekin. Horrenbestez, txangoa goizeko 8:30ean hasteko asmoa daukate eta horretarako Plentziako metro geltokian jarri dute hitzordua. Txangoan parte hartzeko, Goñi Portal kultur etxean izena eman daiteke, hilaren 8a baino lehen. Ordutegia 10:00etatik 13:00etara eta 17:00etatik 19:00etara da, eta telefonoa 946 775 541. Salneurriari dagokionez, 5 euro ordaindu beharko dira. Matrako mendi taldekoek adierazi dutenez, "jatetxea, aterpetxea, bidaia, eta horrelakoak aurretik hartzeko jarri ohi dugu apuntatzeko aldez aurreko epea". Hortaz, ordaintzea da txangora joan nahi direnek egin beharreko lehenengo gauza. Argazkian, Matrako Mendi Taldeko hainbat lagun Txindokin (Gipuzkoa).