Larunbat honetan, apirilak 5, 21:00etatik aurrera, Idi Proben Txapelketa Nagusia jokatuko da Ondizko probalekuan, Leioako udal iturriek jakinarazi dutenez. Urtero legez, hiru bikote izango dira parte hartuko dutenak, urteko proba desberdinetan puntuazio hoberena lortu duten bikoteak hain zuzen. Beraz, maila handiko ekitaldia izango da. "Txapelketa hau, idi proba zale askok jarraituko dute. Urte bakoitzean toki ezberdin batean antolatzen da eta aurten Leioa izan da aukeratua txapelketa nagusi honetarako", azaldu dute tokiko arduradunek. Euskadiko Herri Kirolen Federazioak antolatutako Idi Proben Txapelketa Nagusian parte hartuko duten bikoteak honako hauek izango dira: Kortezubiko Txertudi, Aiako Erreizta eta, azkenik, Errezilgo Bizkis, besteak beste. Txapeldunen artean onenetarikoak beraz. Argazkian, idi probak Urdulizko probalekuan.
Bestalde, aurretiko pisaketak goizeko 10etatik aurrera izango dira. Antolatzaileen esanetan parte idiek ezin izango dituzte 1.100 kilo baino gehiago eduki. Horrela gertatuz gero, gehiegizko kilo bakoitzagatik harriak kilo bat eta erdi gehiago izango du, "parte hartzaile guztiek aukera berdinak izateko". Azkenik, sari banaketa txapelketa amaitu eta gero izango da, 23:00ak aldera gutxi gora behera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun