Bizikletak mailegatzeko Getxo udalerriko zerbitzuak 15 lagun kontratatuko ditu

Behargintza Lan eta Ekonomi Garapenerako Zentroak gutxi barru Getxo udalerrian martxan jarriko den bizikletak maileguan uzteko zerbitzua enpresa bati esleituko dio. Enpresak 15 lagun kontratatuko ditu, 12 bizikletak utziko diren tokietan herritarrak artatzeko eta 3 horiek mailegu tokitik mantentze-lanak egiteko tokietara eramateko. Lan eskaintza langabetuei dago zuzenduta, gehien bat lana topatzeko zailtasunak dituztenei. Interesatuek informazio hitzaldi batera joan beharko dute datorren asteazkenean, apirilaren 9an, 10:00etan, Argia Fundazioak Algortako Hirutasun kaleko 10-B zenbakian duen egoitzan. Argibide gehiago lortzeko edo partaidetza egiaztatzeko Behargintzara jo behar izango da, Algortako Martin Deuna kaleko 17 zenbakira. Telefono zenbakia: 94 466 01 40. Posta elektronikoa: behargintza[abildua]getxo.net eta webgunea: www.getxo.net.