Orduan, iheslariak, agenteek aurkitu egin zutela ikusita, ihesari ekin zion berriro eta udalerri horretako zenbait kaletatik abiatu zen, "nahitaezko norabidea zein zen kontuan izan gabe, kontrako noranzkoan erabiltzeko erreian behin eta berriro sartuta, eta bidea emateko eta gelditzeko seinaleei kasu egin gabe". Ondorioz, Herrizaingo Sailak zabaldutakoarekin jarraituz, "arrisku larrian jarri zuen errepide horietatik zihoazen gidarien segurtasuna, eta ia-ia istripu bat eragin zuen Gorlizerako sarbidean". Udalerri horretan geldiarazi zuten azkenean. Identifikatu ondoren, "ibilgailu patruilaren argi eta hots seinaleen bidez gelditzeko agindua behin eta berriro eman" zioten agenteek atxilotu egin zuten R M.C.V., ausartegi gidatzearen delitu bat egin izana egotzita. Halaber, trafikoaren segurtasunaren kontrako delitu bat ere egotzi zioten, botatako aire litro bakoitzeko 1’09 eta 1’01 miligramo alkoholeko maila emateagatik egin zizkioten bi probetan; gainera, agiri publiko bat faltsutzea ere leporatu zioten, "aldean zuen gidabaimenak manipulatuta zegoela erakusten zuten zantzu nabarmenak" baitzituen. Polizia eginbideak burutu ondoren, gidaria agintari judizialaren aurrera eraman zuten.
Guztira, Ertzaintzak bost gidari atxilotu ditu asteburu honetan Uribe Kostan alkoholaren eraginpean autoz ibiltzeagatik. Larunbatean bi izan ziren atxilotutakoak, biak Getxo udalerrian. Atzo, igandea, berriz, hiru izan ziren. Gorlizen aipatutakoa zein gidari bana Sopelan eta Getxon.
Alkoholemia kontrol batean ertzain bat ia harrapatu ei duen gidaria atxilotu dute Gorlizen
2008ko api. 7a, 15:20
Ertzaintzaren Bizkaiko Trafiko Unitateko poliziek R M.C.V. 34 urteko gizonezkoa atxilotu zuten atzo, igandea, goizaldean Gorlizen, ausartegi gidatzearen delitu baten ustezko egilea izatea egotzita. Herrizaingo Sailak emandako bertsioaren arabera, pertsona horrek alkoholemia-kontrol batean gelditu gabe aurrera egin zuen eta kontroleko polizia bat "ia-ia harrapatu" zuen. "Trafiko arauak hautsita, gainerako gidarien bizitzak arrisku larrian jarrita gidatu" zuela uste du Ertzaintzak. Aipatu gertaera goizaldeko 4:30ak aldera hasi ziren, beti Herrizaingo Sailak jakitera emandako bertsioaren arabera, BI-637 errepidean Sopela udalerrian. Alkoholemia-kontrol bat egiten ari ziren Ertzaintzaren poliziek bertan gelditzeko agindua eman zioten Madrilen matrikulatutako BMW turismo bateko gidariari, alkohola detektatzeko proba egiteko. Baina, "autoak gelditu beharrean, abiadura azkartu zuen bat-batean, agenteetako batek bere burua paretik kendu behar izan zuen harrapa ez zezan" eta gidariak ihesari ekin zion, Plentziarako bidean, "abiadura bizian". Ertzaintzaren patruila batzuk ibilgailu horren atzetik abiatu ziren eta, minutu batzuk geroago, kostaldeko herri horretako aparkaleku batean aurkitu zuten; gidaria barruan zegoen oraindik. Argazkian, Ertzaintzako errepide kontrol bat artxiboko irudi batean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun