Aurten lau ikastaro izango dira, urtean zehar, Itzubaltzeta / Romoko Ezekiel Agirre kaleko 21. atariko lokaletan, 10:00etatik 14:00etara. Horrenbestez, apirilean egingo dute norbaiten laguntza behar duten pertsonak zaintzen irakastekoa. Bigarrena, maiatzan izango da eta elikadura eta sukaldaritza izango dira gaiak. Ekainean emango duten ostalaritzari buruzko ikastaroak, berriz, zerbitzari lana hobetzea izango du helburu. Azkenik, “Sexu eta ugalketa osasuna” izenburukoa irailean eta abenduan izango da.
Bestalde, txangoak ere egingo dituzte Zugastieta, Gasteiz, Markina, Donostia eta Gernikara, hurrenez hurren. Gainera, Algortako metro geltokitik hasita, herrian zeharreko bisita gidatuak prestatu dituzte.
Ikastaroetan eta txangoetan izen-ematea Getxoko Herritarren Arretarako Bulegoetan edo www.getxo.net webgunearen bidez egin daiteke. Pertsona guztiek izen-ematearen egiaztapena telefono dei bidez jasoko dute ikastaro hasi edo txangoa izan baino 5 egun lehenago.
Harreman sarea
“Jakin badakigu zaurgarri eta minbera izaten direla etorkinak heldu eta lehenengo urteetan, familiartea atzean utzi dutelako. Hain zuzen ere, horregatik da beharrezkoa aniztasun eta aisialdirako topaketak sustatzea, horien bitartez, harreman sareak berriro eraiki ditzaketelako eta bizi kalitatea hobetu”, Elena Rodriguez Munduko Medikuak erakundeko bozeramailearen arabera. Egitasmoak pertsona eta lan osasuna lantzeko ikastaroak aurreikusten ditu, sexu eta ugalketa osasunari eta genero indarkeriari arreta berezia emanez. 2008ko urtarrilaren 1eko datuen arabera, 5.048 etorkin daude erroldatuta Getxo udalerrian. Horietatik %30 Boliviatik etorritakoak dira, emakumeak gehienak.
Getxoko Udalak eta Munduko Medikuak gobernuz kanpoko erakundeak “Getxon bizi, Bizkaian bizi” lelopeko egitasmoaren bigarren edizioa jarri dute martxan, getxoztar guztiei zuzenduta, aniztasuna eta kulturen arteko topaguneak sustatzeko helburuarekin. “Udaleko Inmigrazio eta Kulturartekotasun Unitateak Getxora heltzen diren lagun guztiak ondo hartuta sentitzea nahi du eta, aldi berean, integratzeko behar duten laguntza guztia jasotzea. Izan ere, integrazioa lortzeko urte batzuk behar dira eta bere oinarriak dira: batetik, etorkinak hartzeko gizarte hartzaileak eduki behar duen konpromisoa, gure ohiturekin, kulturarekin edo baloreekin harremanetan jartzeko aukerak eskainiz eta, bestetik, heltzen direnek gizarteko kideak izateko eduki behar duten asmoa”, Elena Coria Gizarte Zerbitzuetako zinegotziaren hitzetan. Iaz 500 pertsona baino gehiagok parte hartu zuten bereziki aisialdia kontuan hartzen duen ekimenean. Argazkian, emakume etorkin bat Algortako San Nikolas plazara bidean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun